Autonomías

Neste momento en que todo se cuestiona, as autonomías son un dos temas en cuestión, e o certo é que algunhas hai que proporcionan motivos para calquera tipo de dúbidas.

Cando se organizou o estado das autonomías, instaurouse o sistema denominado “café para todos”, que non contentou a case ninguén, por exceso ou por defecto, dando autonomía a rexións ou provincias que nunca pensaran en solicitala. O mesmo Fernández Albor declaraba non hai moito que “ a regla de café para todos” fora un erro, por otorgar a mesma potencia e forza a territorios con lingua e cultura propias ca outros que nunca a solicitaran”.

Copiáronse estruturas do goberno central para artellar as autonomías, duplicáronse custos e servizos, e chegouse a este momento no que todo se valora e calcula, e que unhas autonomías loitan pola independencia económica, e outras polo rescate. Pero algunha das que máis autonomía desexa, ten que acudir aos fondos estatais para seguir a súa marcha normal.

Que outras comunidades autónomas con problemas manifestos acudan ao goberno central en petición de axuda, aceptámolo como o máis natural. Pero que a reivindicativa Cataluña solicite axuda produce unha situación extraña, máis se temos en conta que Galicia non parece necesitala.

Cousas veremos!.