Muros nos camiños

Case sempre tiro polo camiño da esquerda, pero hai veces que hai que coller polo da dereita; ou ben porque no da esquerda hai algún muro, algún valado, ou ben porque non me dá a gana de coller por el.

Ás veces é bo cambiar as primeiras ideas. Non debemos aferrarnos sempre á primeira impresión. Hai primeiras impresións erradas.

Alguén nos cae mal na primeira ollada e, co paso do tempo, resulta que non era tan mala persoa. Por iso é bo percorrer todos os camiños que se abren ante a nosa existencia.

Claro que, despois, a base de recorrelos todos, en algún chocamos con auténticos muros de cemento ou de granito, que aínda é peor.

Pero tamén é certo que os muros están para derrubarse. Derrubemos os que estorban.