O silencio dunha guerra

Quen preme o botón da bomba nuclear? Quen deixa caer o napalm sobre o pobo de Vietnam? Radiación no ambiente. Morte no silencio dunha guerra, no medo dun pobo. Cada quen que pense o que queira, pero hai balas que matan e napalm que queima.

Hai feridas que sempre quedarán abertas e concentracións de protestas que tan só estarán aí. Quen rexe a cabeza daquel que sabe que ten o poder e que detrás dun bombardeo dá a orde para lanzar outro?

Quen morre no silencio dunha guerra? O pobo silencioso que non ten con que defenderse. O silencio dunha guerra cheira a carne morta.

Quen morre nunha guerra? O pobo.