Pumba-Pumba-Pumba

Golpes de batería polos altofalantes da terraza. Música de pumba-pumba. E a letra da canción... que máis dá!; o caso é que haxa ruído. Pumba-pumba.

Algúns non sabemos que dicir e, entón, a facer que cantamos. Dálle, mestre! Pumba-pumba. Espera, espera; espera que facemos que raiamos o disco. Así, coma se retrincaran os dentes.

Veña, polo medio do retrouso, outro pumba-pumba. Así dá gusto! Auténtica música de autor! Pumba-pumba-pumba. Iso, que xa aceleramos un pouco máis o ritmo. Pumba-pumba-pumba.

Ademais, son tan bos os temas musicais que adoitan durar unha morea de minutos. É igual; ti dálle, disc jockey: pumba-pumba-pumba. Así dá gusto! Que marabilla de letra!.