O Xornalouro
lunes, 24 de octubre de 2011
Mans amigas achegáronos o nº32 da revista anual, voceiro do IES Alfoz-Valadouro do nome que encabeza estas liñas.
Pulcramente editada, a todo cór, papel de alta calidade, as 50 páxinas, con mais de 150 fotografías e debuxos, ofrecen ampla información da vida do Centro e da súa contorna: daí que na portada destaque a presenza das cinco rapazas gañadoras provinciais do concurso de debuxo da ONCE, na compaña de Paz Quiroga, a profesora de Arte. Outra compañeira gañou o concurso de debuxo de Bibliotecas Municipais. Parabéns a alumnas e profesora pois alguen dixo que os discípulos son a biografía dos mestres.
O contido da revista transcende o ámbito colexial, acaso co loable propósito de interesar ós mozos/as nos distintos aspectos que atinxen á vida cidadá dos dous concellos: ofrece colaboracións, asinadas non só por alumnos, senon tamén por xentes alleas ó mesmo, reportaxes sobre distintas potencialidades da bisbarra, deportes, entrevistas, novas das numerosas actividades culturais que se levan a cabo no colexio, nas que o teatro, a producción de cortos cinematográficos e a programación de Radio Valadouro, festivais artísticos, e demais teñen un significado protagonismo baixo a experta batuta do polifacético profesor Pepe Peinó, dedicacións que dan seus froitos, pois varios daqueles artistas acadan nome no mundo da farándula, con actuacións sorprendentes (véxase O primeiro paciente
), algúns incruso ante as cámaras da TV
Hai na revista dúas seccións singulares: unha enquisa feita entre alumnos/as baixo o epígrafe de Test de gustos e Crítica constructiva pola que o director do Centro explica aspectos internos dos que se fan comentarios mais ou menos disconformes. Unha actitude que, por inusual naqueles que gobernan resúlta chamativa e que nós consideramos moi positiva e, incluso, didáctica.
A publicación ten grande atractivo: é amena, de presentación impecable e contido variado, ben tratado. Felicitamos ó Centro, xerme de tan prolífica actividade socio-cultural e, por suposto, ó equipo de redacción de O Xornalouro.
Fernández, Suso
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora