Non escollían os pais o idioma do ensino?

A escola da vida: Non escollían os pais o idioma do ensino?
Onde dixen digo, agora digo Diego. Temos un conselleiro de Educación que se fai difícil entender. Primeiro dicía que había que consultar aos pais sobre o idioma no que querían que se educasen os seus fillos, e despois de encrechar o rizo ata a extenuación, e de contar coa desaprobación de propios e estraños, agora sae con que aos alumnos de Educación Infantil que vivan naqueles lugares nos que o castelán sexa predominante, isto é, nas cidades, non se lles poderá educar na lingua na nosa lingua a pesar de que isto se fai côa consulta previa aos seus pais.

Quizais a a razón puidera ser por um problema de custos, algo que sempre poñen por diante os conselleiros deste goberno para non levar a cabo ningunha actuación, pero non, pois durante o curso que agora remata xa deixaron de concederlle as axudas que tiña previstas o bipartito (entre 1500 e 2500 euros por centro) aos que lles daban esta opción aos seus alumnos. Tampouco pode ser atribuible a o grande número de centros e o seu problema de organización e xestión, xa que no curso pasado tan só eran 44 colexios que tiñan aulas de ensino em galego, e neste quedaron reducidos a uns trinta.
Para quen goberna este goberno? O tema do idioma galego semella o seu cabalo de Troia, méteno continuamente en todas as partes. Os máis vellos galeguistas deben estar pensando a cada vez que oen falar aos dirixentes actuais “Con Franco viviamos mellor” (salve sexa a parte).

Pois nada, outra vez van abrir a caixa de Pandora. Parece que lles gusta a confrontación. Ou é que, quizais, non teñen nada novo que ofrecer e só se dedican a enfrontar para pensar que están facendo algo? Pois será porque gozamos da mellor educación que se nos poida proporcionar en Galicia. Non sería, por exemplo, máis útil divesificar o sistema ofrecendo unha oferta máis variada para que aqueles alumnos repetidores que xa non encaixan, permanezan nel sen molestar e sí aprendendo? Ou reforzar as clases de matemáticas ou de linguas con talleres ou laboratorios para os que teñen máis dificultades cheguen a acadar os obxectivos educativo? Ou será que non se len os informes de PISA e da OCDE? Ou que lles é máis fácil aconsellar aos profesores suban a nota aos seus alumnos aínda que estes non consigan facerse cos coñecementos, por que polo menos así parecerá que si melloramos neses informes aínda que sexa unha falacia?.