Opinión en Galicia

Buscador


autor opinión

Editorial

Ver todos los editoriales »

Archivo

Quen coida dos coidadores?

jueves, 15 de octubre de 2009
- ... E logo, canto tempo levas coidando aos teus velliños?
– Pois van alá doce anos. Sen moverme da casa. El ten Alzheimer desde hai sete. Non sabe nin que é. Unha pena. E foi tan bo pai!
Ela está encamadiña desde hai once. Queira Deus que nunca me falten. Realmente son uns santiños.
– E ti que tal estás?
- Eu? Xaquín, eu non existo. Eu non son importante neste caso. Se che digo a verdade, fóra desta casa, eu non sei o que é a vida. E téñolle medo ao día que me falten. Xa non sei como se vive. Esquecinme. Hai moito tempo que case non falo con ninguén.

A conversa, unha máis das mantidas nas moitas visitas que lles fago, foi moito máis longa. Houbo risos e salaios. Pero tamén, dentro da alma, moita soidade. As palabras fican pequenas para expresarse. “Non te preocupes, dixo, que xa che estou acostumada. Pero soa, estou moito. Cada visita é unha bendición. Non tardes en volver.”

Impactoume a súa súplica. Sentíase pobre por dentro. Moi pobre. Ela é unha muller moi forte e curtida na vida. Nunca, como aquel día, a vin tan decaída.

Quen coida aos coidadores? Nos libros xa ten un nome técnico: O síndrome do coidador.
Esta é unha máis das grandes tarefas e desafíos que tentaremos afrontar desde a Escola de Pastoral da Saúde “Mon. Araúxo” nos diversos grupos que se desenvolven en Ferrol de outubro a xuño, con quenda semanal.

Son tres cursos académicos: “APRENDAMOS A COIDARNOS. PARA PODER COIDAR. PARA PODERMOS AXUDAR.”

Hai uns anos abordei este problema, en relación coa orfandade e a viuvez no meu libro: A viuvez na Pastoral da Saúde. Pois non abonda só coa boa vontade. Precisamos cada vez máis dunha preparación seria e adecuada. Diriamos que con certa especializazón. Fainos ben a nós e facémoslle ben aos demais..

Este curso, para a zona de Ferrol, estaremos nos locais anexos da Parroquia de San Xoán de Filgueira. Está aberto a cantos desexen participar. A experiencia destes anos atrás está sendo moi positiva. Seguireivos falando.

Campo Freire, Xaquín
Campo Freire, Xaquín


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania