Eido Dourado

O pasado sábado tivemos a gozosa oportunidade de participar nun acto, un “fito cultural” na Mariña como no mesmo se calificou, e asistir á inauguración do “Eido Dourado”,fronte á praia das Pasadas en San Miguel de Reinante, un espazo para a arte concebido como estudio, vivienda e exposición permanente de pintura e debuxo, que acolle a obra do artista Celso Dourado. A natureza e a creación artística conviven en perfecta armonía para ofrecer á visión e disfrute das xentes un espazo singular, concebido e realizado por unha mente privilexiada, unha vontade de aceiro e un esforzo e ilusión que supera tódalas fronteiras. Acaso son éstas básicamente as consideracións que a Celso lle outorgan o sinalado prestixo de que goza, de xeito especial entre os persoeiros da cultura, e así se explica a masiva afluencia dos mesmos neste acto singular que comentamos: pintores, debuxantes, escultores, músicos, cantautores, poetas, actores e actrices, xornalistas e incontables amigos e amigas que coa súa presencia quixeron renovar o seu aprecio e a súa admiración polo artista e a súa obra. O recinto inaugurado é moito mais que unha mostra do meritorio quefacer pictórico do artista; trátase da conxunción dunha serie de valores artísticos e humanos que difícilmente ten parangón. A natureza, a arquitectura e a pintura son os pivotes sobre os que xira o sorprendente e insólito labor que converte o lugar en atractivo que honra e prestixa á bisbarra; mérito desbordante ó saber que tal autoconstrucción e realización é obra de quen, ós oito anos de idade, por mor dun desgraciado accidente, perdeo as dúas mans. Sen elas foi quen de realizarse en plenitude como persoa e como o artista que expresa na súa obra a sensibilidade exquisita e unha imaxinación acaso estimulada pola dura experiencia vital.
Arredor da edificación discorren dous xardíns visitables: un caracterizado como de “Rocalla” ou “Alpino” e outro un “xardín zen” de marcado aire xaponés, elaborado a base de grava de cuarzo e elementos pétreos.Todo elo, diseño e realización, obra do excepcional artista. A suma de valores concurrentes que explican a existencia de este espacio único magnifica a obra e convírtea en toda unha lección de vida. O seu nome exclusivo, poético e suxerente, de difícil traducción a outro idioma: EIDO DOURADO.