Parches da Telefónica

A macroempresa denominada Telefónica tivo durante moitos anos a exclusiva das comunicacións en España levando uns anos aclimatándose á nova situación competitiva en igualdade con outras numerosas empresas.

Nesta situación de competencia, as empresas rivalizan en ofertas imaxinativas que pretenden arrancar clientes á todopoderosa compañía que mantivo o monopolio, e Telefónica procura responder de xeito que a clientela se manteña. Todo, tendo en conta que hai negocio para todos porque é un sector en auténtica explosión e o negocio de hai uns anos era infinitamente menor do que na actualidade está en disputa.

A última de Telefónica, polo de agora, é unha iniciativa novedosa que pretende rebaixar o cincuenta por cento da súa factura de fixos e móviles ós clientes en paro, coa limitación de vinte euros por recibo e mes. Cuarenta no caso dos clientes de fixo e móvil. Ademáis suprímese a cuota de abono por linea sempre que se consuma un mínimo de catorce euros ó mes de voz, e o establecemento dunha oficina telefónica de asesoramento sobre as posibilidades de aforro nas telecomunicacións.

O parado con dereito a rebaixa deberá ter unha antigüidade de seis meses como cliente, e no caso de ser de contrato prepago terá que cambiarse ó sistema mixto. Parece un parche ou remedio de cara á galería, pero a Compañía indica que ata medio millón de persoas se poden beneficiar desa medida, co que xa pode considerarse que se é un parche pode estar ben colocado.

Telefónica pretende coller a dianteira da innovación ó resto das compañías, pero moito ten que facer para que deixemos de recordala exercendo o monopolio das comunicacións, e aínda ostentar unha posición de presunto privilexio en relación coas compañías que se van introducindo no mercado.