A idade dos funcionarios

A mellora das condicións de vida, da saúde, os avances sociais e todo o cunxunto de factores que están na contorna do ser humano e da súa actividade fan que moitas veces os anos sexan un punto de referencia pero non algo decisivo para unha determinada situación, estado ou actividades.

En tempos, a mayoría de idade estaba situada nos vinteun anos. Agora nos dezaoito. E a saber que nos pode deparar o futuro, porque o Conselleiro da presidencia da Xunta de Galicia ven de anunciar que se están a estudiar determinados aspectos que sirvan de base a unha futura lei da Función pública, entre os que están a rebaixa de dezaoito a dezaseis anos a idade mínima para poder concorrer ás probas de acceso á Administración pública galega.

Certamente os nosos rapaces son cada vez máis precoces, e os anos son punto de referencia pero nada máis. O que cabe pensar é se esa rebaixa inicial significará similar acción en canto á idade de xubilación, para que os liberados das obrigas funcionarias poidan disfrutar de máis tempo teórico rematado o seu periodo de exercizo activo.

Porque os que entren ós dezaseis anos na administración galega terán corenta e nove anos de antigüidade no momento de xubilarse ós sesenta e cinco anos. Que parecen moitos, cando para efectos de xubilación só contan as cotizacións dos últimos quince.