2.020 millóns de euros

Soa ben a cifra: 2.020 millóns de euros que van ser investidos polo estado en Galicia con cargo ós orzamentos de 2009.

Pero se ben se trata dun valor absoluto en si, cando se considera politicamente o valor preséntase relativo, xa que mentras para o partigo gobernante se trata dunha cifra xusta e axeitada ás necesidades do país, ó Bng parécelle pouco e manifesta que non vai votar afirmativamente ós orzamentos se non mellora a dotación, e o PP está en contra porque non garante a chegada do Ave en tempo e forma.

Conséguese o oito por cento dos investimentos do Estado que non parece mala cifra se temos en conta as comunidades ás que hai que contentar, e mantense o nivel do presente ano mentras que hai comunidades nas que se produce baixa.

Parece, pois, que o tema hai que tomalo con talante positivo, e agardando polas aclaracións que procedan desexar que o proxecto non se torza nos trámites parlamentarios. E, se como o Bng pretende, mellorasen os investimentos para Galicia, pois todos contentos.