Doble ou nada

Gaña o Bng. “Nada”, sería se o Bng non houbese logrado pactos co PSOE para gobernar Galicia na autonomía, e anacos de Galicia en Concellos e Deputacións provinciais.

Pero o poder en si, sinxelo, logrouno o Bng cando se subscribiron estes acordos hai xa tres anos para gobernar os destinos económicos, sociais e políticos de Galicia nun cuatrienio que, a pesar dos agoreiros, vai transcurrindo en relativa paz.

O doble pode ser agora, se Zapatero acode ó Bng para establecer novos vínculos, xa a nivel xeral, con ámbito nacional español, como Quintana agarda.

O lider do Bng comentou que o seu teléfono non deixaba de soar e que, a pesar de que aínda non se estableceron conversacións nas alturas, que o Bng faga valer os seus dous votos no Congreso dos Deputados, da outro valor, outra dimensión, á presencia dos nacionalistas nas institucións.

Xa non hai perigo de obter un “nada” nesta acción política. Todo é posible mentras non se produzan as alianzas que o PSOE precisa para gobernar con tranquilidade en España.

Doble, pode ser o resultado para o Bng, que se en solitario non tocaría poder en Galicia máis que en moi poucos concellos, nin formaría siquera grupo no Congreso, aliándose cun PSOE distante en plantexamentos pero cercano en ánsia de goberno, ten case todo á alcance da man.

Doble ou nada, para o Bng. Se atendemos a feitos non moi lonxanos, de entendemento forzoso entre Quintana e Zapatero para salvar á Ministra de Fomento, parece que o Bng ten un bo triunfo na man. Se é bo para Galicia, se se traduce en obras (que son amores verdadeiros), todos contentos.