Goberno de España

Por fin encontraron a fórmula de facernos saber ós consumidores de información de que materias quedan reservadas ó Goberno de España ademáis das de recadación de impostos e a súa distribución, mesmo ós detentadores de poderes autonómicos.

As mensaxes publicitarias que recibimos a través dos medios de comunicación e por calquera outro medio, remataban sempre coa denominación do organismo correspondente, sendo as máis numerosas as correspondentes á Dirección General de Tráfico.

Alguén tomou cartas no asunto e coordinou estas actividades, concluíndo todo na entidade común, ata entón incógnita, resumindo en "Goberno de España" a coroación das mensaxes, para ir creando conciencia de existencia, funcións e importancia.

A Xunta de Galicia, as Deputacións Provinciais e os trescentos quince concellos galegos xa se deran conta hai moitos anos da rendibilidade da presencia nos medios, e desde sempre non hai anuncio ou información onde non se mencione o organismo correspondente.

O Goberno español foi máis lento, pero ó fin reaccionou. Ahí está para lembrarnos a súa presencia. Agora, todo un goberno, pídenos que conduzamos con prudencia, que respectemos as normas de tráfico, que sexamos boa xente. Amén.