Na morte de Anxo Lamas

Ás veces as novas que veñen
chegan frías, conxeladas polo aire
traen recendos tristes de perda e mágoas.
Zoa o vento como se levase, ao alén
máis alá da vista e do horizonte
os soños que tantas veces deseñamos xuntos
nesta loita dos días que procuran ver,
abrir amenceres cheos da luz que nos conduza,
cargados das cores, recendos e flores,
de novas primaveras.

Mañá domingo sae, ás 16,30, o cadaleito do Tanatorio de Muimenta cara a Bazar, onde será enterrado.

(Baldomero Iglesias Dobarrio, Mero, foi compañeiro de estudos no Instituto Masculino de Lugo, de Anxo Lamas Muinelo, pintor, escultor e poeta).