Opinión en Galicia

Buscador


autor opinión

Editorial

Ver todos los editoriales »

Archivo

Ciencia Ficción

jueves, 11 de enero de 2018
Na páxina da "Historia en 4 tempos" coa que Maribel Outeiriño lle dá para atrás ó noso reloxo colectivo para detelo no mesmo día do xornal, pero de hai 25, 50 e 75 anos, leo que o 6 de xaneiro de 1968, coma se fose unha verdadeira regalía "real", o proxecto antecesor da actual Coren, é dicir, Uteco, puña en marcha un plan vacún destinado a introducir razas propias de leite, algo que, nos tempos de devalo da agricultura, axudou a manter unha certa actividade gandeira nalgúns puntos xeográficos da provincia.

Concretamente, a crónica de Maribel dicía, de forma literal: "Uteco pone en marcha su plan vacuno con la entrega de las primeras 66 vacas a cooperativistas de Celanova, que vivió una gran jornada con la presencia de las autoridades provinciales y la plana mayor de Uteco, con el gobernador civil, senór López Ramón, y el presidente Eulogio Gómez Franqueira, a la cabeza. Las espléndidas vacas, de raza 'Hostein Frisen', han sido importadas de Canadá, llegando al puerto de Barcelona, desde donde fueron trasladadas en camiones a Celanova".

Aínda que o feito de que o destino final do rabaño vacún fose a terra na que nacín non lle outorga mérito maior á noticia, si que é certo que foi o que fixo que reparara nela, por máis que hai xa algún tempo que un ribeirán de pro, vello colaborador de Gómez Franqueira naqueles anos primeiros, xa mo explicara a través do correo electrónico.


De tódolos xeitos, independentemente do destino final das 66 vacas, o certo é que a información semicentenaria encheume a retina porque algo que daquela -¡hai 50 anos!- foi posible por mor do compromiso con esta terra por parte dun adiantado, coma o "vello" e nunca axeitadamente ponderado, Franqueira, ler un programa semellante de repoboación do campo hoxe -¡50 anos despois!-, semella simplemente ciencia ficción.

Realmente é triste, moi triste, pero é así. O que daquela logrou -digamos- "un home só", por máis que tivese algunha axuda do "gobernador", se nestes intres nos que a administración conta con innumerables recursos económicos xamais soñados naqueles intres; por máis que contemos con administración propia -a Xunta de Galicia coa súa Consellería de Medio Rural á fronte-, e por máis que dende Europa anuncien programas de desenvolvemento rural dotados con milleiros de millóns de euros, algún neno quere saber canto miden os cornos dunha vaca e por cantos tetos dá leite, salvando moi raras excepcións, o normal é que as teña que ir ver a un establo situado fóra da provincia de Ourense.

Que pasou, entón, para que, de sermos uns adiantados na explotación de gando vacún, falar de bosta agora sexa facer ciencia ficción? É certo que procurar un só culpable sería como botarlle a culpa dos incendios ó sol. Pero responsables hainos e probablemente entre todos eles dalgún xeito tamén debamos contabilizarnos a todos e cada un de nós.
Piñeiro, Antonio
Piñeiro, Antonio


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania