Eolo sopla desde Madrid

Eolo é o deus do vento, que en Galicia sopla de calquera punto da Rosa, con especial querencia para o Nordés se amenaza choiva.

Desde non hai moito tempo, Eolo voltouse utilitario e a súa forza infinita produce enerxía no alto dos montes galegos a través das xigantescas andaravías que xiran producindo milleiros de kilowatios.

Riqueza para os promotores e para o país, riqueza- aínda que menos- para os propietarios dos terreos. E poder no sector da enerxía, competencias e influencias, que tiñan que traducirse na política e veñen de facelo nas relacións entre a Xunta de Galicia e o Goberno, e este vai publicar unha norma que restrinxe competencias autonómicas, de maneira que o sector ven quedar de novo na área de competencia de Madrid.

O vento dos montes de Galicia vai ser rexido desde Madrid, restando competencias que ate agora foron galegas. De nada valen gobernos amigos e competencias propias.

Aínda que nos parece que sopla desde o mar, desde agora Eolo soplará desde Madrid.