Opinión en Galicia

Buscador


autor opinión

Editorial

Ver todos los editoriales »

Archivo

Anxo Lamas, un sanador

miércoles, 08 de marzo de 2017
Sen dúbida que todas e todos os que coñecemos a Anxo Lamas, o creador de Bazar-Castro de Rei, sabemos do seu talante para contaxiar saúde a cachón, ás persoas e a todos os seres. A súa contorna é unha fervenza de vida na que conviven as criaturas máis insospeitadas da fauna e da flora, mimadas e valoradas polo seu líder.

Os paxaros cantan e apousan ao pé del, mentres o escultor labra con habelencia e maxia outras aves semellantes tanto en cabazas coma en madeiras ou pedras, e as plantas visten de cores o seu obradoiro e museo competindo cos pinceis do pintor. Pero quizais somos as persoas as máis necesitadas da luz e da ledicia de Anxo e abofé que saímos do seu fogar enfortecidos co seu ánimo porque é un artista arrincandonos a desazón e os medos, as malas herbas que nos prexudican, afincándonos na cerna que forxa o noso temple rexo.

A Anxo non lle vale un simple barniz, ten que sanear ata a raiz as táboas nas que grava e pinta, e tamén nisto é fornecedor de saúde para o colectivo. Non somos esaxerados sostendo que coa súa arte está multiplicando a vida de Galiza porque está a salvar vigas, trabes, portas, etc., de casas abandonadas, destartaladas, que estaban destinadas ao lixo ou ao lume, convertendoas en obras de arte, despois de sanealas ata a médula e limpar todas as súas fibras de ferruxes, colza e adherencias que danaban a súa natureza e a súa mensaxe. É moito máis ca practicar reciclaxe, é unha obra sublime porque o creador está a alongar a vida de madeiras, casas, parentelas que estaban destinadas ao esquecemento..., e arestora reviven rescatadas nestes relicarios da memoria das familias e do país, porque para este poeta as casas tamén teñen alma, historia e beleza.

Emporiso a Asociación Xermolos atopou nesta teima do druída Anxo a dinámica axeitada para recuperar a Casa do Poeta Díaz Castro, porén herdada en ruínas quere transformala nun verxel de vida e de arte, e así o está espallando a través da exposición das súas táboas dedicadas a escritoras e escritores chairegos que nos agasallan coa súa mensaxe na escrita e na pintura do recreador. Abrirase o luns na Sala de Exposicións do Edificio Administrativo da Xunta en Lugo e despois na Biblioteca Provincial, Santiago, O Carballiño, Sada e outras comarcas.
Blanco Torrado, Alfonso
Blanco Torrado, Alfonso


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania