67.000 €

PP e PSOE de acordo. Bng, por agora non.

Os que ostentaron o cargo de Presidente do goberno de Galicia conservan durante dous anos despois do cese o setenta por cento das cantidades que percibían en activo, unha persoa ó seu servicio, un automóbil e un conductor.

A maiores, se a proposta do PSOE no goberno da Xunta prospera, poderán integrarse no Consello Consultivo de Galicia, percibindo anualmente por este concepto a cantidade de 67.000 €.

Tres expresidentes están na actualidade en situación de aceptar esta situación se finalmente se plantea, dous pertencentes ó PP e un ó Psoe, máis o actual Presidente cando remate o seu mandato.

Ningún polo de agora do Bng, polo que se comprende que este grupo non teña presa en aprobar a nova situación dos altos cargos, coas conseguintes repercusións que unha decisión así pode traer nas bases de forzas que se suponen fuxen do culto á xefatura e ós especiais beneficios da representación popular.

Todo o que supoña dignificar a figura do Presidente de Galicia, está ben feito. Pero a dignificación non está en razón directa ás cantidades a percibir.

Un exPresidente non debe estar a expensas dos avatares dunha fortuna incerta. Pero 67.000 €/ano parece un precio de consolación demasiado alto por deixar o primeiro posto de escalafón de servidores públicos, e non é exemplo moi edificante para os galegos que sofren a subida do euribor e o encarecemento das hipotecas en arredor de mil douscentos euros anuais.

Seguro que se vai falar moito deste tema. Agardemos.