Traxedia
domingo, 24 de julio de 2016
A Berenguela xa tocaba a gloria,
cando as bágoas detiñan o badalo.
En troques, as campás de Bastabales
tanguían a defunto na cidade.
Compostela, de loito, fai a historia
do camiño de ferro enferruxado
cos regueiros vermellos de mil sangues
e a brancura de lúa dos cadáveres.
Nunca borraremos da memoria
a imaxe da traxedia en Santiago
na que a matria en solidariedade
apreixa mans esquecendo derrotas
e abre os corazóns de extraordinario
enchidos de tristura e de coraxe.
Lamas, María Xosé
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
