Opinión en Galicia

Buscador


autor opinión

Editorial

Ver todos los editoriales »

Archivo

Mandiá: Unha festa gozosa e ben xeitosa

martes, 28 de junio de 2016
Primeira Comuñón
Mandiá, 12-06-2016.

Na actualidade a nosa poboación é moi idosa e maioritariamente estamos xa ben avelloados.
Ter sete nenos que nos fan visíbel que vén alguén detrás, é un milagre que hai que celebrar moi en serio. Con moito tino e sentidiño.

Durante tres cursos, a ritmo semanal, eles, os seus papás e mamás e toda a parroquia vivimos xuntos e comunitariamente a experiencia do crecemento integral de todos nós, intentando pillarlle o sentido  fondo e esperanzado á vida.“Temos futuro, temos mañá”.(Fuxan os ventos). Merece unha festa comunitaria. Foi gozosa e ben xeitosa. Abofé.

Queremos facervos partícipes da nosa alegría, porque iso tamén é multiplicar o pan de vida.
Un saúdo. Xaquín Campo Freire.


1.- Bendito sexa Deus, Pai do noso Señor Xesús Cristo:
Que nos bendiciu na persoa de Cristo
Que nos elixiu na persoa de Cristo
Que nos predestinou na persoa de Cristo para sermos seus fillos adoptivos.

2.- Irmáns: eu recibín do Señor unha tradición que vos transmito:
Na noite na que o ían entregar tomou un pan, deu grazas e partiuno dicindo: tomade e comede, este é o meu Corpo que se entrega por vós.
E así mesmo fixo coa copa: este é o meu Sangue.
Facede isto en memoria de min. Por iso, cada vez que comedes deste pan e bebedes desta copa poclamades ao Señor ata que volva. Na entrega.

3.- Os discípulos dinlle a Xesús:
̶ Despide á xente. Que se vaian. Xa é tarde
̶ E por que se teñen de ir? Dádelles vós de comer.
̶ Nós!? Se inda non temos para nós?
̶ Mandádelles que senten e empezade a repartir todo o noso, empezando polos máis necesitados e os nenos e as mulleres.
E houbo pan a repartir. Ata para recoller sobras.

4.- Grazas pais e nais. Grazas a todos pola entrega, a fe e a confianza. A cotío, coma Xesús, facedes e facemos todos o milagre: Facer posíbel o pan. Toda clase de pan e para todos.
Vedes por que este é o sacramento da nosa fe? Non só de pan vive a persoa humana. Enchamos a vida co pan de vida.
O alimento debe ser pleno:
Mandounos sentar, repousar, falar. Animarse.
Creou alí unha comuñón. Naceu unha comunidade:
O acompañamento mutuo: escola, saúde, alegría, etc.
A axuda nas necesidades e nos apuros da vida. Amizade. Amor, etc.
Como? Crendo en Deus e crendo en nós, como Deus cre en nós.
E dando todo: do que teñamos e o que poidamos.
Compartindo. Axudándonos. Ninguén é abondo en por si. Necesitámonos todos.
Iso tamén é Comuñón.
Hoxe queremos compartir tamén o noso pan, a nosa alegría, a nosa festa.
A colecta irá para Cáritas, para os necesitados de pan. Para os refuxiados, etc.
Este é un signo. O símbolo do que estamos e estaremos a facer cada día.
A comuñón non acaba aquí.
Volvemos á vida e é nela que debemos cumprir o mandamento do Señor: alimentádeos vós!
Alimentemos os arredores e as contornas de cada un de nós.
Fagamos un mapa realista das necesidades no mundo. E deixémonos interpelar.
Vexamos, con realismo e xenerosidade, como facer comuñón intentando sermos o máis eficaces posíbel.

A Primeira Comuñón é un comezo para a adultez. Non é o día dos nenos. É o día de toda a comunidade. É o día da Comuñón. Este é o sentido. Vén aí moi axiña unha crise de crecemento: a adolescencia. Necesitades e necesitamos seguir traballando unidos, facendo comuñón e vivindo en común en todos os ámbitos: humano, intelectual, cívico, relixioso,etc. Fóra das drogas e de dependencias alleantes. Que non nos rouben os fillos! Anímovos a que sigan nos grupos de confirmación da fe e da esperanza. Necesítano eles, vós e todos nós.

Que alegría teremos dentro duns anos véndoos animados e en grupos. Cheos de vida! Con relacións sanas, sanantes e sandadoras, abríndose camiño na vida e creando condicións de pan e comuñón. É un día grande. Grazas!
Campo Freire, Xaquín
Campo Freire, Xaquín


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania