Alugueres comerciais

Os galegos preferimos mercar que alugar. Especialmente cando se trata de vivendas.

Nos locais comerciais, tamén a compra é a opción máis elixida, porque sempre existe a posibilidade dun traspaso sen perder a propiedade. Pero a compra é cada vez máis difícil.

Según un estudio dunha consultora inmobiliaria, a do Príncipe en Vigo é a rúa de Galicia máis cara a efectos comerciais con 1.500€ por metro cadrado e ano, seguíndolle a Real da Coruña con 840.
Eso, moi por debaixo Preciados e Serrano en Madrid, Porta del Angel ou Paseo de Gracia en Barcelona e outras exclusivas avenidas con precios extraterrestres.

Pero a consultora non incluíu no seu estudio máis que 19 rúas de 13 cidades, polo que o resultado pode ser representativo pero non completo. Porque se investigase o resto das cidades galegas – Santiago, Ourense, Lugo, Ferrol- vería que con pequenas diferencias estamos a unha altura de vértigo e parece imposible que calquera negocio emprendido poida respostar a un investimento tan descomunal.

Como queira que a determinados efectos seguimos manexándonos con pesetas, a cotío nos enteramos de que tal ou cal local comercial no centro de determinada cidade foi alugado en millón e medio de pesetas ó mes. Resultan 9.000 € mensuais, ou 108.000 ó ano, que divididos polos aproximadamente cento cincuenta metros cadrados que veñen ter de promedio estes locais son 720 € por metro cadrado e ano, que xa é resultar.

Vai ser acertado o interese galego pola compra de vivendas ou locais se os resultados previsibles son estes, xa que un local medianamente céntrico arréglalle a vida a calquera familia media.
O problema da subsistencia dos negocios é outro. Pero no paroxismo comercial-industrial-constructor que nos invade, o diñeiro xa non sirve de punto de referencia.

Porque ou non hai puntos de referencia ou están tan altos que nos valen para nada.