Tan hipócritas como siempre

Hipócritas.Seguen os medios de comunicación sendo tan hipócritas coma sempre. Igual que a maioría dos seres humanos. Tanto loitar contra a discriminación racial, e somos máis racistas que nunca. Tanto baduar pola intolerancia cara os homosexuais, e a prensa dálle que dálle ó bico de Pablo Iglesias e Xavi Domènech. Hipócritas. Farsantes. Tan hipócritas coma sempre. En Rusia é costume. Aquí son maricóns. Artigos de opinión a favor da liberdade sexual ou en contra dos ataques á mesma, para, agora, non falar doutra cousa que o bico entre dous homes, con foto incluída, “que deixou pampo ó resto dos deputados”. Que asco de xente, carallo, que asco! Que asco de xornais! Mañá aparecerán dúas ou tres páxinas cunha reportaxe sobre a discriminación á que se vén sometidos certos colectivos de rango sexual, por exemplo. Poñeranse como unha brasa: que se un país inculto, que se un país terceiromundista, que se a liberdade sexual, que tumba e que dálle. Emporiso, despois, racharanse as vestiduras ante un bico inocente, ou emocionante, ou amigable, ou incluso aloumiñeiro. Canta hipocrisía xunta!

Aviso para navegantes. Eses que tanto barallan, que tanto latrican contra os funcionarios, aí teñen a súa ocasión: A Xunta seica convocará unhas 3.000 prazas. Así é que menos nugalla e a fincar os cóbados para presentarse en Silleda.

Entoo o mea culpa. Porque cando o xoves faltou a luz en Maceda empecei a soltar pestes contra uns e outros (normal; non hai mes no que non nos quedemos uns minutos ou uns segundos sen luz; e ás veces chegan uns segundos para mandarche todo á aquel sitio). Mais resulta que os causantes do apagamento foron as cegoñas. Contra estas non me meto. Son tan bonitas!