Opinión en Galicia

Buscador


autor opinión

Editorial

Ver todos los editoriales »

Archivo

Bos e malos funcionarios

viernes, 15 de noviembre de 2013
Nestes tempos de mudanza, onde o funcionariado se sinte maltratado pola Administración co recorte en soldos, dereitos réximen de funcionamento, non existe moi bo clima entre os funcionarios, cando de novo aparece o proxecto da Xunta de Galicia da evaluación – examen ao fin- de funcionarios dependentes da Administración pública para revisar o estado dos seus coñecementos e da súa capacidade e mesmo actitude profesional.

En principio, o tema non tería porque preocupar, xa que é unha necesidade e reivindicación permanente de moitos funcionarios, xa que un funcionario, polo feito de superar unha oposición, quedaba e queda investido dunha dignidade permanente ata a xubilación por idade ou calquera outra causa, sendo na práctica intocado e case intocable.

Unha vez conseguido o nomeamento era e é ben difícil que fose controlado na súa actividade e disposición, e se non daba a talla sería cambiado de cometido pero sen outras medidas disciplinarias, do mesmo xeito que se era especialmente válido e capaz tampouco ía recibir máis gratificacións que as que por antigüidade ou nomeamentos para cargos especiais lle correspondesen.

Non había, non hai polo de agora –pois-, aliciente ningún para o bo funcionario, do mesmo xeito que non había nin hai reprensión ou castigo para o funcionario malo.

Se ese novo sistema funcionara de forma axeitada, se fose un sistema de premios e castigos, e os exames ou revisións fosen feitos por funcionarios especialmente capacitados para a función podería ser un bo avance na mellora da administración pública.

A estas alturas do ano – parece ser que antes de fin de ano estará en marcha o proxecto- o tema preocupa e moito, polo feito da existencia duns exames que non se sabe como van ser, quen os vai facer e con que intención. Tempo ao tempo, pero se a intención é correcta, sen intereses partidarios, tentando mellorar unha administración cada día máis complexa, non se deben esperar máis que bos resultados da iniciativa. E todos, especialmente os bos funcionarios, contentos polos bos resultados que se poden obter.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania