sábado, 20 de abril de 2024
Notas de prensa remitidas por el Gabinete de Comunicación de la Xunta de Galicia:
Galicia pechou o mes de febreiro con 257.549 persoas en situación de desemprego, o que supón un descenso de 1.453 persoas con respecto a xaneiro (-0,56%). Trátase do maior descenso intermensual dun mes de febreiro desde 2007, tanto en termos absolutos como relativos. Así o explicou a directora xeral de Emprego e Formación, Ana María Díaz, quen explicou ademais que o paro rexistrado amosa de novo unha tendencia positiva na evolución interanual. De febreiro de 2014 a este mes de febreiro o paro descendeu en 22.522 persoas, un -8,04 por cento.
Trátase da décimo sexta baixada interanual consecutiva do paro rexistrado, isto é, levamos máis dun ano de baixadas acumuladas, o que sitúa a Galicia en niveis de paros anteriores a 2012, ou o que é o mesmo, o número de desempregados galegos volve ser o de hai tres anos, subliñou. A responsable autonómica destacou tamén que o comportamento interanual rexistrado en termos absolutos este mes correspóndese co mellor dun mes de febreiro de toda a serie histórica estatísticas publicadas desde 1996-. En España, o desemprego baixou en 13.538 persoas, un 0,30 por cento, ata situarse nos 4.512.153 parados. En termos interanuais, o paro en España baixou nun 6,24%. Deste xeito, Galicia sitúase por riba da media estatal tanto a nivel mensual como interanual.
Por sectores, as principais diminucións destes mes concéntranse na construción (-777) e na industria (-508). A continuación sitúase o sector servizos (-179), e a agricultura e a pesca (-61). Pola contra, detectouse un lixeiro aumento de parados no colectivo sen emprego anterior (+72). Por provincias, o desemprego baixou en todas elas, agás en Ourense. O maior descenso produciuse na Coruña (-1.204), seguida de Lugo (-270) e Pontevedra (-94). Pola súa banda, en Ourense detectouse un leve incremento de 115 persoas.
Na evolución dos contratos, este mes rexistráronse un total de 53.692 contratos, 8.726 menos que no mes anterior. Deste total, 5.136 foron indefinidos (9,67%), e 48.556 temporais (90,43%). No eido dos contratos, tamén se rexistra unha interanual positiva do 17,94%.
Nota de prensa del Gabinete de Comunicación de CC.OO. Galicia:
Os datos do paro rexistrado nas oficinas do Servizo Público de Emprego no mes de xaneiro reflicten unha mellora puntual do emprego: o emprego creado é temporal e a evolución da afiliación evidencia menor duración dos contratos e menores xornadas de traballo. Mellora do emprego, si, pero con data de caducidade, a cambio de dereitos e de perda de calidade.
Prolongación de situacións de desemprego e peor emprego con menos dereitos equivale a máis pobreza: en Galicia hai máis persoas percibindo subsidios por desemprego que prestacións contributivas.
O problema de Galicia é o emprego e a comparativa con 2014 o reflicte con claridade: a falta de emprego e de expectativas provoca un abandono do mercado laboral galego sen precedentes.
A crise, a reforma laboral e falta de vontade política de mudar o modelo económico actual, orientado ao beneficio dunhas poucas persoas, están a conseguir os seus obxectivos: o incremento das desigualdades, a xeneralización da pobreza e a volta á emigración.
Desde CCOO denunciamos, unha vez máis, que son posibles e necesarias outras políticas que aposten pola recuperación da actividade económica e do emprego, incrementen a protección social das persoas en risco de exclusión e eviten a saída de Galicia de galegos e galegas por falta de expectativas.
Nota de prensa del Gabinete de Comunicación de UGT Galicia:
Ante os datos do paro feitos públicos, UGT-Galicia insiste en que hai que seguir traballando e apostando porque o crecemento económico chegue a todos porque, tanto a tímida recuperación do emprego, como a baixada e, no mellor dos casos, estancamento dos salarios, demostran que non está sendo así. Para UGT-Galicia, ambas son baixadas moi tímidas ante a tan publicitada por algúns situación de crecemento económico.
Un mes máis, UGT-Galicia vése na obriga de alertar sobre a contracción na poboación en idade de traballar, ben pola saída de persoas traballadoras cara fóra na busca dun futuro mellor, ou ben polo retorno de inmigrantes cara os seus países de orixe. De feito, continúa a caída do desemprego entre os estranxeiros, dun 7,6 por cento en termos interanuais.
Detrás desta realidade estatística o que hai é unha realidade social e laboral preocupante. A saída de persoas do mercado laboral galego polo efecto desánimo e a falta de expectativas. É evidente que isto está a axudar a remontar, aínda que timidamente, as estatísticas, pero tamén é certo que de cara a un futuro próximo pode acarrear problemas poboacionais e unha perda importante de persoas ben preparadas que vense obrigadas a ofrecer os seus coñecementos a outros países.
Neste senso, UGT-Galicia destaca a importancia de seguir traballando no eido do diálogo social para conseguir acordos como o asinado o pasado 14 de xaneiro sobre liñas complementarias para o desenvolvemento en Galicia do Programa de activación para o emprego. Un acordo imprescindible para unha situación insostible e que UGT-Galicia agarda que vaia mellorando esta situación dun xeito progresivo.
Por sexos, o desempreo cae en ambos casos pero moito máis entre os homes, nun 1,13 por cento, e no caso das muleres nun leve 0,04 por cento, tan só 60 mulleres desempregadas menos. Interanualmente, o descenso do paro tamén beneficia máis aos homes, un 10,92 por cento, fronte ao 5,28 por cento no caso das mulleres.
O evento, que reunirá na cidade herculina a artistas contemporáneos do talle de Grande Amore, Boyanka Kostova, Lontreira e Leria, nace co obxectivo de potenciar a música actual en galego, e se enmarca na iniciativa cultura homónima nacida no Equipo de Dinamización da Lingua Galega do instituto Rafael Dieste co obxectivo de promover o uso do galego entre a mocidade. A día de hoxe, involucra máis de 200 centros de toda a comunidade e preto de 50.000 estudantes que, a través de entrevistas, actuacións e campañas nas redes sociais, animan a rapazada a falar na lingua propia de Galicia.
A Business Factory Aero, o programa de incubación, aceleración e consolidación de empresas do sector aeroespacial, promovido pola Xunta de Galicia e xestionado pola Fundación CEL Iniciativas por Lugo, foi escollido pola Fundación de las Cajas de Ahorro (Funcas) e pola Universidad Rey Juan Carlos como a mellor Aceleradora en 2024 na categoría de Avanzadas. Este primeiro posto no ranking nacional supón un importante recoñecemento ao labor desenvolvido polo Goberno galego, no marco do Polo Aeroespacial de Galicia, para a retención e atracción de talento no sector e para a creación de emprego de alta cualificación na comunidade.
