jueves, 25 de abril de 2024
Nota de prensa remitida por el Gabinete de Comunicación del BNG:
O Bloque atribúe ao desleixo do presidente da Xunta que unha decisión ilegal adoptada por un goberno en funcións do PP en 2005, do que formaba parte, termina custando un millón de euros á facenda pública. Un Feijóo ao que se lle enche a boca de austeridade para xustificar os recortes nos servizos públicos, pero paga relixiosamente indemnizacións millonarias motivadas polas súas decisión ilegais e pola súa indolencia á hora de defender o interese da facenda galega nos tribunais, criticou Vence, tras denunciar que a sentenza do Tribunal Supremo indica expresamente que a Xunta non presentou proba algunha para desmentir o informe pericial presentado pola empresa, o que leva a esa condena dun millóns de euros como compensación. Para o Bloque, a conduta do presidente galego bordean o delitivo polos prexuízos á facenda pública, e demanda a Feijóo que dea explicacións.
Vence fixo estas declaracións no contexto de valoración da convención do PPdeG. Tres días de festa jolgorio de autobombo con colocación de primeiras pedras, promesas electorais resesas e mensaxes de recuperación económica que supoñen un insulto á intelixencia dos galegos e galegas.
Esa é valoración do BNG sobre a convención do PP que leva ao portavoz nacional, Xavier Vence, a replicarlle a vicepresidenta do goberno que o único que podemos ver en Galiza que trouxeron as políticas do PP e o espolio e saqueo sistemático dos contribuíntes, dos usurarios dos servizos públicos, dos aforradores e dos consumidores.
Vence ironizou sobre o concepto de recuperación de Soraya Saenz de Santamaría que, supostamente, se iniciou en Galiza. Os economistas e os manuais de economía teñen que reformular a definición dos termos crise, recuperación e recesión económica tras escoitar a vicepresidenta quen, ou ignora totalmente o que pasa aquí ou nos toma por parvos.
Como exemplo dese espolio e saqueo que supoñen as políticas do PP en Galiza, Vence citou a aniquilación do sistema financeiro galego e o desleixo na defensa dos intereses públicos que se traduce nunha indemnización a Pescanova dun millón de euros.
No primeiro ano o señor Escotet obtén uns beneficios que superan a todo o que ten que pagar pola primeira entidade financeira do país que xestiona o 35% do noso aforro, mentres nos quedamos sen un banco galego, sen crédito para familias e empresas que segue sen fluír e aínda sen concluír a devolución da totalidade do estafado polas preferentes, denunciou o dirixente nacionalista. Feijóo debe explicar a súa complicidade co espolio do noso sistema financeiro, demandou.
Todo, nun contexto no que Galiza segue a destruír emprego, con recortes en Educación e sanidade que afectan mesmo ao tratamento en doentes que se xogan a vida, baixan os recursos para a dependencia, e a economía arroxa datos moi inferiores á media estatal. Ese é o verdadeiro balance do PP no país, concluíu.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
