martes, 9 de junio de 2026
Nota remitida por el Gabinete de Prensa de la Vicepresidencia de la Diputación Provincial de Lugo:
O Vicepresidente da Deputación, o nacionalista Antón Bao, participou na presentación da 1ª edición do Rallie Comarca da Ulloa. A presentación celebrouse na Centro Comarcal de A Ulloa, no concello de Palas de Rei e estiveron presentes o Alcalde de Palas de Rei, Fernando Pensado; o presidente da Escudaría Comarca da Ulloa, o piloto Luís Vilariño; o presidente da Escudaría Lalín Deza, Antonio Troitiño; o Alcalde do Concello de Monterroso, Antonio Gato.
Antón Bao sinalou, durante a súa intervención, o compromiso da vicepresidencia de Deputación por apoiar este tipo de competicións deportivas que se organizan de xeito comarcalizado. O Vicepresidente informou de que dende a miña responsabilidade como vicepresidente da Deputación e, concretamente, dende a Área de Deportes imos a apoiar todas aquelas actividades e competicións que se organicen comarcalizadamente, optimizando os recursos existentes e facendo coparticipes aos concellos implicados na organización, con estas palabras Antón Bao incidiu na necesidade de implicar a diferentes concellos á hora de organizar probas deste tipo que conlevan un orzamento significativo e unha elevada complexidade organizativa.
Esta primeira edición do Rallie Comarca da Ulloa contará co apoio das institucións patrocinadoras que son o Concello de Palas de Rei, Concello de Monterroso, Concello de Antas de Ulla, a Área de Deportes da Deputación de Lugo e a Consellería de Cultura e Deporte, a través da Dirección Xeral para o Deporte. Os responsables da Escudaría Comarca da Ulloa fixeron un importante esforzo á hora de planificar todo o relativo á seguridade nos tramos e contarán coa colaboración da escudaría Lalín-Deza
O venres, día 1, comezarán as verificacións técnicas e administrativas en Monterroso onde se reunirán os vehículos no parque pechado. O sábado, día 2, terá lugar a competición propiamente dita coa saída dos participantes dende as 08:30 horas. A proba finalizará coa entrega dos trofeos ás 01:00 do día 3 de agosto.
MÁIS DE UN CENTO DE PILOTOS PARTICIPARÁN NESTA PRIMEIRA EDICIÓN
Máis de un cento de pilotos están inscritos nesta primeira edición do Rallie Comarca da Ulloa. O máis significativo é a presenza de todos os pilotos punteiros do campionato galego de Rallies e o primeiro clasificado no campionato asturiano. É de destacar a presenza de media ducia de pilotos locais ademais da participación dos reputados Pedro Burgo e Sergio Vallejo. Sen dúbida esta é unha cita ineludible para o automobilismo galego.
Tivo lugar a xornada 'Deputados por un día', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxías. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade Urbanística (APLU) para protexer o medio ambiente e o patrimonio natural e paisaxístico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á Consellería de Vivenda e Planificación de Infraestruturas, e repartíronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
