martes, 9 de junio de 2026
Nota de prensa remitida por el Gabinete de Comunicación del Parque Tecnológico de Galicia:
A Tecnópole apoiará cinco empresas do seu contorno máis directo na implantación das Tecnoloxías da Información e das Comunicacións (TIC) nos seus procesos para aumentar a súa produtividade e, en consecuencia, a súa competitividade. Logo desta primeira etapa, que se prolongará durante seis meses, iniciarase unha fase máis ambiciosa do proxecto a escala autonómica, na que o Parque Tecnolóxico de Galicia continuará coordinando a iniciativa.
A filosofía do programa Tecnópole PRO-TIC é dinamizar o uso das TIC nas pemes galegas para incrementar a súa produtividade e, polo tanto, a súa vantaxe competitiva. As cinco empresas seleccionadas entre as situadas no seu propio recinto terán, sen asumir ningún custo, un plan integral personalizado para integrar as novas tecnoloxías na súa actividade.
Segundo os últimos datos do Observatorio Galego da Sociedade da Información, as empresas galegas non perciben aínda as TIC como un elemento decisivo na mellora da súa competitividade. De feito, aínda que a maioría (entre o 83% e o 93%) empregan unha combinación de aplicacións de xestión empresarial e ofimática para a xestión e control dos seus procesos, só as funcionalidades relativas a procesos contables e de facturación están verdadeiramente xeneralizadas, o que supón unha importante perda de oportunidades para elas.
O proceso comeza cunha primeira fase na que se realizará unha análise profunda da estratexia e dos procesos da empresa para identificar as posibles melloras que puidese supoñer a incorporación das TIC. Unha vez identificadas as ferramentas de soporte, valorarase detidamente cales son rendibles para a empresa en termos de retorno do investimento.
A continuación, procederase ao deseño da mellor estratexia e á implantación das solucións máis axeitadas en cada caso, primando as desenvolvidas pola industria galega do sector. Finalmente, levarase a cabo un proceso de monitorización no que se supervisará a posta en práctica do plan de implantación das TIC para garantir o éxito.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
