martes, 9 de junio de 2026
Nota de prensa remitida por el Gabinete de Comunicación del Museo de Arte Contemporáneo (Marco) de Vigo:
A exposición TEMPO AO TEMPO, a mostra conmemorativa do 5º aniversario do MARCO, acaba de ser seleccionada entre as dez mellores exposicións do ano 2007 en España, segundo o balance que cada ano por estas datas publica a revista EL CULTURAL. O xurado estivo composto por 12 críticos de arte, e o resultado sitúa á mostra TEMPO AO TEMPO nun lugar destacado entre exposicións de varios museos e centros de arte de Madrid e Barcelona.
A exposición TEMPO AO TEMPO, que excepcionalmente ocupa todos os espazos do edificio do MARCO, permanece aberta ao público ata o 17 de febreiro de 2008. A través dunha selección de artistas e obras varias delas producidas especificamente para esta exposición analízase, dende unha perspectiva crítica, a obsesión actual polo paso do tempo, a memoria, e o sentido ou o peso da historia. Tantas visións ou interpretacións do tempo como artistas representados na mostra 34 en total na obra dos cales o tempo está presente non como algo anecdótico, senón dun modo constante.
O xurado estivo composto polos seguintes expertos: José Luis Clemente, Ramón Esparza, Abel H. Pozuelo, Javier Hontoria, José Marín-Medina, Mariano Navarro, Pilar Ribal, Jaume Vidal Oliveras, Elena Vozmediano, David G. Torres, Rocío de la Villa, e David Barro.
Baixo o título Lo mejor del año, o semanario EL CULTURAL destaca, xunto á mostra TEMPO AO TEMPO, a individual de Luis Gordillo (MNCARS), Un teatro sin teatro e Janet Cardiff & George Bures Miller (MACBA, Barcelona); Warhol sobre Warhol (La Casa Encendida, Madrid), Durero y Cranach (Museo Thyssen y Fundación Caja Madrid), Las fábulas de Velázquez e Tintoretto (Museo del Prado); Momentos estelares de la fotografía (Círculo de Bellas Artes e Canal de Isabel II, Madrid), e a mostra Intocable. El ideal de la transparencia (Museo Patio Herreriano, Valladolid).
Tivo lugar a xornada 'Deputados por un día', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxías. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade Urbanística (APLU) para protexer o medio ambiente e o patrimonio natural e paisaxístico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á Consellería de Vivenda e Planificación de Infraestruturas, e repartíronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
