martes, 9 de junio de 2026
Nota de prensa remitida por el Gabinete de Comunicación de la Consellería de Pesca de la Xunta de Galicia:
A páxina web da Consellería de Pesca e Asuntos Marítimos (http://webpesca.xunta.es) publica o Anteproxecto da nova Lei de Pesca de Galicia co obxectivo de recoller as alegacións que se fagan a este texto. Deste xeito, o departamento que dirixe Carmen Gallego quere facer partícipe a todos os interesados do documento normativo a través desta canle como xa fixo o pasado mes de xaneiro.
Naquel entón, a Consellería, en pleno proceso de redacción da nova norma, puxo en marcha unha ampla consulta coa creación dun Buzón de Suxerencias tamén na web. Así, todo o sector, dende a pesca extractiva ata os comercializadores, pasando polos axentes sociais, puido trasladar ao departamento autonómico os elementos de preocupación que está a xerar a vixente lexislación, así como as suxerencias e aportacións que considera que a nova lei debe recoller.
Por outra banda, quedou constituído no seo do Consello Galego de Pesca un grupo de traballo que será o encargado de iniciar o debate sobre o documento normativo e posteriormente elaborará o ditame correspondente. Este grupo está integrado por cinco representantes do ámbito pesqueiro, concretamente do sector acuícola, do ámbito da transformación, das confrarías de pescadores, das organizacións sindicais e da pesca de altura e gran altura de Galicia.
A primeira xuntanza do grupo de traballo terá lugar o vindeiro venres, 3 de agosto, de xeito que se pretende contar cun ditame sobre o Anteproxecto de Lei de Pesca no mes de setembro. Nesa data convocarase un novo pleno do Consello no que se analizará e se aprobará, se procede, o devandito ditame. O obxectivo final é levar o texto normativo ao Parlamento de Galicia antes de que finalice este ano.
Lei de Pesca
Cabe sinalar que a nova Lei de Pesca foi presentada pola Conselleira, Carmen Gallego, nun encontro cos medios de comunicación o pasado 20 de xullo no que estivo acompañada do seu equipo directivo. A titular de Pesca do Goberno galego destacou que a norma será moderna, áxil, sinxela e flexible, á vez que deberá servir para que a pesca en Galicia se poida xestionar tendo en conta ás persoas, a economía e o respecto polo medio.
Ademais, lembrou que nace do compromiso político asumido coa súa chegada ao Executivo galego para tentar pór en marcha un novo rango legal da pesca en Galicia, que elimine trabas burocráticas e que sexa o suficientemente xenérica e ampla. De feito, na súa primeira comparecencia na Cámara galega como Conselleira xa manifestara que sería o obxectivo principal do seu departamento a elaboración dun texto normativo de ordenación do sector pesqueiro.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
