martes, 9 de junio de 2026
Nota de prensa remitida por el Gabinete de Comunicación de la Secretaría Xeral de Emigración:
O Consello da Xunta autorizou que a Secretaría Xeral de Emigración estableza un marco de colaboración coa Fundación Galicia Saúde coa fin de contribuír á atención das necesidades sanitarias e socioasistenciais básicas daquelas persoas de orixe ou ascendencia galega residentes en Bos Aires que se atopen en situación de vulnerabilidade.
O departamento de Emigración do Goberno galego acorda coa Fundación Galicia Saúde, responsable de planificar e executar as actuacións en Arxentina, dous programas, por unha parte, de condonación e bonificación de cotas sociais en función da situación económica, a idade e a antigüidade como socios dos beneficiados, e por outra, de realización de consultas, prácticas médicas e ingresos hospitalarios de persoas en risco de exclusión social.
A Secretaría Xeral de Emigración, coa sinatura do convenio, achegará a contía de 300.000 euros, que se distribuirá entre os distintos programas de acordo co seguinte: 110.000 euros para o programa de condonación e bonificación de cotas sociais, e 190.000 euros para o programa de realización de consultas, prácticas médicas e ingresos hospitalarios.
O convenio estende a súa vixencia dende a súa sinatura ata o 31 de decembro de 2007.
A Fundación Galicia Saúde ten como obxecto a xestión e administración hospitalaria da Mutual do Centro Galego de Bos Aires, co compromiso de dar cobertura a todos os seus asociados presentes e futuros, na súa maioría persoas de orixe galega e descendentes destas. Este hospital presta, en colaboración coa Xunta de Galicia e de xeito excepcional, cobertura sanitaria gratuíta ás ditas persoas, sempre que se atopen en situación de e que non podan afrontar o pago das correspondentes cotas sociais, gastos de asistencia sanitaria e adquisición de medicamentos a prezo de mercado.
Tivo lugar a xornada 'Deputados por un día', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxías. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade Urbanística (APLU) para protexer o medio ambiente e o patrimonio natural e paisaxístico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á Consellería de Vivenda e Planificación de Infraestruturas, e repartíronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
