viernes, 19 de abril de 2024
É difícil explicar que se poida ver a dez amigos na provincia pero fillos e pais, netos e avós non poidan verse por estar en cidades de provincias distintas, cunha situación epidemiolóxica igual e, polo tanto, sen risco para poder ir dunha á outra, abundou.
Ademais da mobilidade, o titular da Xunta referiuse tamén a unha aclaración no tocante ao desfrute das praias, autorizado a partir da fase 2. Ao respecto, pediu aclarar as medidas publicadas no BOE, especialmente no que ten que ver coa fixación de 6 metros sobre a liña de preamar, unha limitación que non ten en conta as especificidades dos areais galegos, con moitas diferenzas entre preamar e baixamar.
Feijóo incidiu na necesidade de modificar este aspecto canto antes, ademais de alertar sobre a falla de planificación por parte do Goberno central a medio e longo prazo. Neste sentido, e ante a posibilidade de que a partir do mes de xullo España poida recibir turismo estranxeiro, trasladou a necesidade de contar cun protocolo ou cunha folla de ruta única a seguir para afrontar un posible rebrote.
En relación á situación social e económica, o responsable do Goberno galego lamentou o pouco que se sabe sobre o plan do Executivo central sobre o Ingreso Mínimo Vital e o reparto do fondo de 16.000 millóns de euros que se transferirán ás comunidades.
Sobre o Ingreso Mínimo Vital, e pese a que se vai aprobar supostamente o martes, non sabemos cal é o seu deseño, nin se se vai solapar coa Renda de Integración Social de Galicia (Risga), expuxo, reiterando a necesidade de que este mesmo mes se coñezan os criterios de reparto dos 16.000 millóns; é dicir, coñecer que cantidade de diñeiro nos corresponde para poder xestionar programas de recuperación económica e social, precisou.
Por último, e despois de que o Goberno central anunciase que nos próximos días varias comunidades autónomas poderán saír do estado de alarma, o presidente da Xunta trasladou a vontade de que Galicia sexa unha delas.
O director xeral de Relacións Exteriores e coa UE, Jesús Gamallo, participou na sesión plenaria do Comité Europeo das Rexións (CdR), onde Galicia presentou 21 emendas a catro dos ditames sometidos a aprobación. Un dos máis relevantes para a comunidade foi o ditame sobre a ferramenta de facilitación transfronteiriza. Calcúlase que a eliminación do 20% das barreiras e obstáculos xurídicos e administrativos actuais entre rexións de fronteira na UE -entre as que se atopa Galicia, que conforma unha Eurorrexión xunto co Norte de Portugal- permitiría aumentar o seu PIB nun 2% e crear nelas ata un millón de empregos.
InnovArt 24, o maior evento en Galicia de promoción e difusión das ensinanzas artísticas, de idiomas e deportivas propicia o encontro entre as vocacións e os profesionais, e facilita que o alumnado de diferentes niveis educativos se familiaricen e tomen contacto cos eidos da arte dramática, as artes plásticas e deseño, a conservación e restauración de bens culturais, a danza, as ensinanzas deportivas, os idiomas e a música. A feira conta cunha zona de 4.100 m² no Museo Centro Gaiás, na que os visitantes poden participar en obradoiros de artes plásticas e deseño, traballos de conservación e restauración de bens culturais, actividades deportivas didácticas de música, arte dramática e danza, así como de idiomas. Tamén se ofrecen mostras e exhibicións das distintas ensinanzas, concertos, conferencias e espectáculos escénicos en directo.
