miércoles, 24 de abril de 2024
Só nos últimos dez anos, puxéronse en marcha 45 depuradoras que poden dar servizo a un millón e medio de cidadáns galegos, isto é, máis da metade da poboación de Galicia.
Dentro destes números destacan algúns casos nos que cómpre que nos deteñamos:
- Lagares (Vigo): En funcionamento desde 2017, cun investimento de 80 millóns de euros. Culminou o saneamento exterior da ría, mellorando drasticamente a situación en torno á cidade e permitindo así cumprir a normativa europea. É unha das obras hidráulicas máis destacadas dos últimos tempos.
- Ribeira (A Coruña): Un investimento de 18 millóns de euros permitiu regularizar a situación desta instalación, que ata entón sempre estivo baixo a vixilancia da Comisión Europea.
- Ría do Burgo (A Coruña): A mellora do saneamento local e da calidade das augas permitir a volta do marisqueo na ría, grazas a un investimento de preto de 100 millóns de euros.
Vixilancia e Seguimento
Pero os investimentos en novas instalacións teñen que ir sen dúbida acompañados dun seguimento posterior, que permita garantir o correcto funcionamento das mesmas a longo prazo. É fundamental polo tanto a vixilancia e inspección destas instalacións, e o asesoramento aos concellos para o seu aproveitamento óptimo.
Para complementar este traballo está o Plan de Control de Vertidos, cuxo obxectivo principal é o de evitar que se produzan aportes contaminantes desde o dominio público hidráulico ás augas de ríos e mares, e sobre todo das rías. Con este traballo, o Plan xa emendou máis de cincocentos vertidos contaminantes nas nosas augas.
Os Resultados
Galicia ven de aumentar a súa capacidade de depuración nos últimos dez anos en case un millón e medio de habitantes. Do mesmo xeito, hai que destacar que no ano 2007 o 50% dos espazos urbanos cumprían a directiva europea de depuración de augas, e que esta porcentaxe está no 90% a día de hoxe. En canto á calidade das augas a porcentaxe de augas en bo estado pasou dun 67% en 2009 a un 76% na actualidade.
O Futuro
Pero estes números non deben facer que perdamos de vista a necesidade de seguir traballando neste terreo, co obxectivo de acadar o saneamento integral de rías e ríos galegos. Por isto o orzamento de Augas de Galicia medrará o vindeiro ano nun 10%, o que suporá máis de 100 millóns adicionais, que se destinarán na súa meirande parte á colaboración cos concellos, para apoialos nas súas competencias de abastecemento e saneamento.
Así, está previsto que se siga traballando e incluso se rematen proxectos como os de A Malata (Ferrol), Puentedeume e Rianxo. E tamén se comezarán os traballos na EDAR de Viveiro, en Cabanas, na depuradora de Praceres e no emisario submarino da ría de Pontevedra.
Unha nova sociedade de xestión
Dadas as dificultades técnicas e económicas que pode supoñer para os municipios, especialmente para os pequenos, a xestión destas infraestruturas, a Xunta de Galicia vai crear unha sociedade pública que lles preste apoio no ciclo integral da auga, nunha liña de traballo similar á de Sogama na xestión de residuos sólidos.
Esta sociedade, na que deben participar tamén as deputacións provinciais na coordinación cos concellos de menos de 20.000 habitantes, terá como obxectivo garantir o funcionamento a longo prazo das infraestruturas hidráulicas de xestión municipal, permitindo así a redución de custes e garantindo a calidade das prestacións. Todo isto se conseguirá mediante a prestación de servizos relacionados co ciclo da auga, cunhas tarifas por m3 que serán as mesmas para todas as entidades locais, como establece o Pacto Local da Auga.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
