O termalismo ofrece ao rural e interior de Galicia a oportunidade de dinamizar a economía local
A directora de Turismo de Galicia ven de participar en Lobios no acto de clausura do Congreso internacional Termalismo 2021-2027 no marco da "Semana Termatalia", no que incidiu no apoio do Goberno galego para impulsar a competitividade dos balnearios en canto á súa capacidade aloxativa e modernización.
A directora de Turismo de Galicia, Nava Castro, participou en Lobios na clausura do Congreso Internacional Termalismo 2021-2027: dinamización dos territorios e reto demográfico, unha das actividades incluídas na Semana Termatalia que se celebra estes días con motivo da feira internacional de termalismo Termatalia 2019 na cidade de Ourense.
Durante a súa intervención puxo de manifesto a gran oportunidade que brinda o termalismo, especialmente no interior e o rural de Galicia, por permitir dinamizar o desenvolvemento socioeconómico dos concellos. Neste sentido, puxo de manifesto a aposta do Goberno galego por impulsar infraestructuras como os balnearios, mellorando a súa capacidade aloxativa ou afondando na súa competitividade con proxectos que facilitan a súa documentación e xestión.
O foro, organizado no Balneario de Lobios polo proxecto Raia Termal, analizou durante os últimos dous días o papel das augas termais dos territorios nos que están situados e participaron persoas de preto de 20 países como España, Portugal, Francia, Italia, Reino Unido, Alemaña, Croacia, Arxentina, Brasil, Costa Rica, Colombia, México, Chile, Ecuador, Panamá, Tailandia ou Emiratos Árabes.
Termatalia 2019
O congreso internacional enmárcase nas accións paralelas á Feira Termatalia 2019 que se celebra o xoves e venres en Ourense e que conta co apoio da Xunta de Galicia. A feira cumpre a súa décimo novena edición e Galicia participa cun expositor no que se presenta a oferta termal galega e está prevista a presenza de turoperadores de diferentes países, así como de medios especializados.
Participarán 269 expositores, 26 turoperadores e estarán representados 34 países con importante presenza de América Latina e Europa. O horario da feira será de 10,00 a 19,00 horas de forma ininterrompida o xoves 19 e o venres 20.
R., 2019-09-19
Actualidad
O equipo, eminentemente galego e cunha moi alta porcentaxe feminina, está a filmar en distintas localizacións das provincias da Coruña e Lugo, a través das que se reconstrúe o nacemento e a evolución da mítica fábrica de cerámica, que se deu en chamar a Bauhaus galega polas cores, formas e deseños vangardistas das súas creacións. Ao tempo, contarase tamén a historia de Galicia a través do seu deseño, cos seus elementos diferenciais e de calidade no centro do discurso. Outros dos escenarios polos que discorrerá Hoxe e o resto do mundo son Cervo (Lugo), onde comeza esta historia a primeiros do século XIX, Sada (A Coruña) e Santiago de Compostela, ademais doutros espazos da cidade herculina.
O CDG celebra os 40 anos da súa fundación desenvolvendo unha intensa programación que estende a súa actividade á produción e participación en 15 espectáculos e proxectos escénicos, a máis de 100 concellos de toda a Comunidade e á colaboración con entidades dunha decena de países en Europa e América. En palabras de Román Rodríguez, conselleiro de Cultura, a unidade teatral continuará avanzando nunhas liñas mestras que, desde o respecto ao pasado, poñen o foco en novas vías de encontro coa cidadanía, na accesibilidade, na proxección exterior ou na creación galega.
Notas
A Facultade de Química será entre os días 3 e 6 de setembro a sede do XI Congreso Internacional de Nanociencia e Nanotecnoloxía Analítica (XI NyNA 2024). O encontro está organizado polo grupo de investigación de Elementos Traza, Espectroscopía e Especiación (GETEE) e o Instituto de Materiais (iMATUS) da USC coa colaboración do Grupo Especializado en Ciencia e Tecnoloxías (Bio) Analíticas da Real Sociedade Española de Química (RSEQ).
Os vindeiros 9, 10 e 11 de abril celébrase na Universidade da Coruña o primeiro congreso IA & Hospitality, un espazo onde se analizará a relación presente e futura entre a Intelixencia Artificial e o turismo, un dos principais motores económicos do noso país. O programa do congreso, que terá lugar no Paraninfo da UDC, inclúe oito mesas de debate nas que se tratará dende a experiencia do cliente ata a ciberseguridade e os destinos e a IA.