A campaña 'Nadal en Galicia' achega máis de medio centenar de propostas á oferta de actividades para estas festas
'Nadal en Galicia' é o nome da guía que recolle unha selección das actividades de lecer programadas en distintos concellos da Comunidade, co obxecto de difundilas entre galegos e visitantes como parte da oferta turística do outono e o inverno. Esta publicación conta con tres apartados nos que se distribúen un total de 52 actividades que se desenvolven en municipios das catro provincias galegas. Neste sentido, dentro de Nadal en Galicia atópanse 25 beléns relacionados por provincias.
Nadal en Galicia é o nome da guía que recolle unha selección das actividades de lecer programadas en distintos concellos da Comunidade e que vén de publicar a Consellería de Cultura e Turismo ao obxecto de difundilas entre galegos e visitantes como parte da oferta turística do outono e o inverno.
Esta publicación, que onte se puido adquirir de xeito gratuíto encartada en todos os xornais de Galicia, conta con tres apartados nos que se distribúen un total de 52 actividades que se desenvolven en municipios das catro provincias galegas.
Neste sentido, dentro de Nadal en Galicia atópanse 25 beléns relacionados por provincias, salientándose tamén os recoñecidos na categoría de festa de interese turístico, na que se atopan os de Begonte (Lugo) e Valga (Pontevedra).
Por outra parte, esta guía de acontecementos do Nadal inclúe tamén un apartado no que están presentes os mercados e outras actividades típicas destas datas, relacionadas fundamentalmente coas principais cidades.
Ademais, o folleto de Cultura e Turismo presenta unha listaxe dos acontecementos relacionados coa celebración do Nadal que van ter lugar na Cidade da Cultura ao longo das próximas xornadas, centradas nos nenos e nas familias.
Valor turístico do Nadal
O último apartado desta guía recolle as citas máis destacadas da artesanía durante estas festas na Comunidade e pecha a publicación un mapa no que se sitúan xeograficamente todas as actividades.
Este folleto, que agrupa boa parte das actividades que se desenvolven en Galicia estas semanas, busca potenciar o valor turístico do Nadal, combinando o lecer coa participación dos propios galegos e dos visitantes nos acontecementos que teñen lugar no territorio. Está e a terceira edición de Nadal en Galicia logo da súa publicación nos anos 2017 e 2016.
, 2018-12-10
Actualidad
O equipo, eminentemente galego e cunha moi alta porcentaxe feminina, está a filmar en distintas localizacións das provincias da Coruña e Lugo, a través das que se reconstrúe o nacemento e a evolución da mítica fábrica de cerámica, que se deu en chamar a Bauhaus galega polas cores, formas e deseños vangardistas das súas creacións. Ao tempo, contarase tamén a historia de Galicia a través do seu deseño, cos seus elementos diferenciais e de calidade no centro do discurso. Outros dos escenarios polos que discorrerá Hoxe e o resto do mundo son Cervo (Lugo), onde comeza esta historia a primeiros do século XIX, Sada (A Coruña) e Santiago de Compostela, ademais doutros espazos da cidade herculina.
O CDG celebra os 40 anos da súa fundación desenvolvendo unha intensa programación que estende a súa actividade á produción e participación en 15 espectáculos e proxectos escénicos, a máis de 100 concellos de toda a Comunidade e á colaboración con entidades dunha decena de países en Europa e América. En palabras de Román Rodríguez, conselleiro de Cultura, a unidade teatral continuará avanzando nunhas liñas mestras que, desde o respecto ao pasado, poñen o foco en novas vías de encontro coa cidadanía, na accesibilidade, na proxección exterior ou na creación galega.
Notas
A Facultade de Química será entre os días 3 e 6 de setembro a sede do XI Congreso Internacional de Nanociencia e Nanotecnoloxía Analítica (XI NyNA 2024). O encontro está organizado polo grupo de investigación de Elementos Traza, Espectroscopía e Especiación (GETEE) e o Instituto de Materiais (iMATUS) da USC coa colaboración do Grupo Especializado en Ciencia e Tecnoloxías (Bio) Analíticas da Real Sociedade Española de Química (RSEQ).
Os vindeiros 9, 10 e 11 de abril celébrase na Universidade da Coruña o primeiro congreso IA & Hospitality, un espazo onde se analizará a relación presente e futura entre a Intelixencia Artificial e o turismo, un dos principais motores económicos do noso país. O programa do congreso, que terá lugar no Paraninfo da UDC, inclúe oito mesas de debate nas que se tratará dende a experiencia do cliente ata a ciberseguridade e os destinos e a IA.