jueves, 25 de abril de 2024
Galicia continúa nunha senda de forte crecemento e segue medrando a maior ritmo que a economía española, pese á desaceleración rexistrada no conxunto do Estado nestes últimos trimestres.
En termos interanuais é dicir, en comparación co mesmo trimestre do ano anterior o PIB galego avanzou no terceiro trimestre un 2,6%, unha décima superior ao crecemento da economía española, que foi do 2,5%, segundo os datos avanzados polo Instituto Nacional de Estatística (INE).
En canto á evolución trimestral, os datos do IGE tamén mostran que a economía galega medrou un 0,6% con respecto ao segundo trimestre, un avance igual ao rexistrado no trimestre anterior. O avance da economía galega foi idéntico ao do PIB nacional.
Segundo o IGE, o crecemento da economía galega entre xullo e setembro sustentouse no incremento da demanda interna que avanzou un 2,7% e no bo comportamento das exportacións de bens e servizos, que medraron un 3,7%, por riba do conxunto da economía. Ademais, no terceiro trimestre produciuse un importante crecemento da formación bruta de capital, un indicador relevante para coñecer o impacto dos investimentos que se realizan principalmente no eido empresarial. O avance neste período foi do 6,9%.
Pola parte da oferta, todos os sectores da economía galega continúan en positivo, tanto a industria, cun incremento anual do 3,1%, como a construción (6,9%) e os servizos (2,3%). O menor incremento rexistrouse no sector primario, que medrou un 0,3%.
Máis de 16.000 novos empregos a tempo completo
As contas trimestrais do IGE confirman que a recuperación económica continúa trasladándose igualmente ao mercado laboral, cun incremento do 1,6% nos postos de traballo equivalentes a tempo completo, o que permitiu crear máis de 16.000 empregos no último ano.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
