jueves, 25 de abril de 2024
O alumnado, convertido na Rede de Voluntarios Enerxéticos, desenvolveu un traballo baseado nunha metodoloxía nova, que parte de que os propios alumnos investigan os riscos do mal uso da enerxía e descobren cales deben ser as medidas para tomar. Ademais, o alumnado preparou un catálogo de boas prácticas e recomendacións para que outros centros educativos poidan tomar medidas. Estas recomendacións tamén serven para outros edificios públicos e vivendas privadas e en xeral para todos os cidadáns que queiran e aposten pola sensibilización ambiental e enerxética.
Para Jorge Pumar, concelleiro de Promoción Económica, esta acción axuda a que as novas xeracións sexan conscientes do potencial enerxético que temos aos nosos pés, elemento crave para o desenvolvemento presente e futuro da nosa cidade.
Geoatlantic é un proxecto liderado desde o Concello de Ourense que busca promover o uso da enerxía xeotérmica nas comunidades europeas, en especial Ourense, por medio do desenvolvemento conxunto de ferramentas e metodoloxías para favorecer a transición enerxética no Espazo Atlántico a través da posta en marcha de ecosistemas locais favorables, para o impulso dos recursos xeotérmicos locais.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
