jueves, 25 de abril de 2024
Os alumnos deberán realizar diversas probas prácticas para demostrar as habilidades propias da profesión na que se están formando. Así, habilitaranse máis de 10.000 metros cadrados distribuídos en diferentes espazos para cada unha das modalidades: administración de sistemas en rede, carpintería, ebanistería, recepción hoteleira, cociña, servizos de restaurante e bar, panadería, coidados auxiliares enfermería, control industrial, electrónica, enxeñería de deseño mecánico-CAD, floraría, xardinaría e paisaxismo, fontanería e calefacción, instalacións eléctricas, mecanizado, mecatrónica, peiteado, pintura do automóbil, pintura e decoración, refrixeración e aire acondicionado, soldadura, solución de software para empresas, tecnoloxía da moda, tecnoloxía do automóbil e animación 3D e xogos.
Obradoiros e demostracións
Haberá tamén obradoiros de imaxe persoal, drons, artes gráficas e hospital de robots, así como demostracións de realidade virtual, con simuladores e 3D, e de cociña innovadora. Prevese que ao longo dos tres días máis de 5.000 persoas asistan a este evento aberto ao público e con entrada de balde.
Galicia Skills está organizado por e para a Formación Profesional, xa que son tamén os centros formativos os que se encargan de diversos servicios, como as comidas, a cobertura de imaxe e son, a atención ás visitas, apoio administrativo na organización, traballos de impresión e de balizado, elaboración de medallas e de reprografía e actuacións musicais e de danza para amenizar.
O evento convértese así nun valioso instrumento divulgativo da Formación Profesional e un medio para estimular o alumnado, o profesorado e as empresas. Supón tamén unha plataforma inigualable de intercambio e foro de debate sobre a evolución dos estándares profesionais, a calidade e a innovación nos diferentes sectores produtivos.
As competicións desenvolveranse durante a xornada do mércores 28 e a mañá do xoves 29. No serán deste día reunirase o xurado, formado polos titores que prepararon os equipos competidores e por expertos, para deliberar. Os gañadores coñeceranse nunha gala de entrega de premios prevista para o venres 30. Recibirá medallas de ouro e prata o alumnado que demostre maiores destrezas na súa modalidade, pero só os primeiros de cada categoría competirán en SpainSkills 2019.
Desde a súa primeira edición, en 2010, foron xa 313 os alumnos e alumnas que participaron nesta competición de carácter bienal, e que chega neste ano á súa quinta edición medrando con respecto a 2016 tanto no número de competidores (137 fronte a 100) como de competicións (26 fronte a 19).
A Cidade da Cultura reunirá estes días as persoas representantes dunha vintena de linguas minoritarias de Europa. Será durante a asemblea xeral e a conferencia anual da Network to Promote Linguistic Diversity (NPLD), unha organización de ámbito europeo cuxa finalidade é promover a diversidade lingüística na UE. Entre os seus membros figura, desde a súa creación, a Xunta de Galicia, que, a través da Consellería de Cultura actúa como anfitrioa nos eventos de 2024. Na xornada trataranse os asuntos que atinxen á administración da organización e presentaranse varios informes.
A Xunta vai solicitar de xeito inmediato ao Goberno central o traspaso dos medios materiais e persoais para xestionar a súa costa trala sentenza do Tribunal Constitucional que avala a Lei de ordenación e xestión integrada do litoral de Galicia. A conselleira de Medio Ambiente e Cambio Climático, Ángeles Vázquez, respondeu unha pregunta no pleno do Parlamento sobre esta materia na que salientou que o Alto Tribunal certifica que a norma galega é plenamente constitucional. Ademais, subliñou, confirma o que sempre defendeu a comunidade, que non é necesario reformar o Estatuto de Autonomía para que Galicia poida exercer plenamente as súas lexítimas competencias sobre o litoral.
