jueves, 25 de abril de 2024
A competición comezará oficialmente o domingo 4 de novembro e xogaranse 400 partidas simultáneas cada día, nun total de 11 rondas e seguindo as normas do sistema suízo por puntos. Este sistema permite integrar os xogadores máis fortes con aqueles de menor nivel, ofrecéndolles a posibilidade de xogar o mesmo número de partidas ao longo de todo o campionato.
Os afeccionados ao xadrez poderán seguir o Mundial vía streaming na web do campionato (www.wccc2018.com) ou achegarse ata a carpa instalada no exterior do Museo Centro Gaiás para vivilo máis de cerca en directo.
A celebración desta competición na Cidade da Cultura confirma que o complexo do Gaiás ten a capacidade, infraestruturas e recursos para acoller citas internacionais de primeiro nivel, tanto deportivas como profesionais e culturais. Ademais, supón un importante pulo ao sector turístico galego. Co gallo do Mundial de Xadrez, case 2.000 persoas entre xogadores, acompañantes e árbitros visitarán Santiago de Compostela e outras localidades galegas entre o 3 e o 16 de novembro.
O Campionato Mundial de Xadrez Cadete está organizado polas federacións galega, española e internacional de xadrez, co apoio da Xunta de Galicia a través da Fundación Cidade da Cultura e da Secretaría Xeral para o Deporte, o Concello de Santiago, a Deputación da Coruña e o Consejo Superior de Deportes. Ademais, colaboran neste evento a asociación de empresarios Compostela Monumental, GADIS, AENA, Área Central, LaLiga4Sports e Chess24.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
