jueves, 25 de abril de 2024
Stay here levarase a cabo na Torre Hejduk de cristal, mentres que na opaca estará exposta, sobre unha base alzada, a maqueta da obra a escala 1:10. O xurado valorou á hora de elixir este proxecto a presenza do cinético e o cotián para suxerir novas olladas e evocacións por parte de Alejandro Ginés. Precisamente, o funcionamento cinético da peza describe a súa natureza. Deste xeito, a partir del pódense facer múltiples lecturas que, segundo explica o seu autor, gardan un paralelismo co comportamento da sociedade.
Dita estrutura divídense en tres niveis que, á súa vez, se atopan ocultos por lamas de madeira que impiden ver a primeira vista o mecanismo de acceso á cadeira. Así, o primeiro chanzo atópase na base da torre e cumpre a función de acceso aos niveis superiores. Aínda sendo o nivel de acceso, só en certas condicións poderá cumprir dita función. No segundo nivel esconde o mecanismo e modo de acceso ao paso superior. Funciona como ligazón e zona de tránsito ao cumio da torre. Mentres, o terceiro e último chanzo no cumio é un punto a priori inaccesible, no cal só pode permanecer unha persoa e no que se atopa a cadeira pregada e que é o punto máis alto da peza.
Funcionamento cinético
O mecanismo que permite o acceso ao cumio da torre, baséase nunha escaleira de dous corpos. Este mecanismo forma parte das patas dianteiras da cadeira pregada e apóiase oculto sobre un dos extremos do segundo nivel. Cando a cadeira se atopa aberta, o mecanismo permanece oculto. Mais se se decide pechar a cadeira, a escaleira pregada que forma parte das patas dianteiras deslizarase por propia gravidade cara ao primeiro nivel. Só nese momento o primeiro e terceiro nivel atópanse conectados, permitindo que un novo individuo ocupe a cima.
Todo un artefacto cinético que convida á reflexión sobre o senso do seu uso e tamén á outras lecturas, que conectan co paralelismo do comportamento da sociedade e coas posibles interpretacións e lecturas das relacións de poder, ambición ou estatus social.
Inauguración no verán do 2019
A intervención de Alejandro Ginés inaugurarase, como é costume, o derradeiro día do vindeiro Encontros de Artistas Novos (EAN), que se celebrará no verán de 2019 e estará aberta tres meses, con entrada de balde.
Na actualidade, aínda está activa, e ata o 25 de novembro, a intervención gañadora do ano pasado, Arquivo Aberto da Memoria Arquitectónica (AAMA), de Francisco Ramallo, que converteu as Torres Hejduk nun arquivo sonoro con testemuños afectivos de persoas que estiveron en contacto coa esas edificacións emblemáticas e das que xa só quedan os seus recordos.
Alejandro Ginés
Alejandro Ginés (Sevilla, 1984) está licenciado en Belas Artes pola Universidade de Sevilla, completou a súa formación realizando o Máster Idea e Produción e está a cursar o Doutoramento en Arte e Patrimonio. Amosou o seu traballo en varias exposicións colectivas, como Parasitos, no Centro Andaluz de Arte Contemporáneo (Sevilla), Pottery Points na Galería Yusto/ Giner, (Marbella), #UNDER35 4th edition, na Galería Gacma (Málaga), XIII Certame de Creación Nova (Sevilla), XX Exposición de Artes Plásticas, IV Exposición de Fotografía da Asociación Reunart, Valladolid ( MUVa), I Exposición BIUNIC na Fundación Valentín Madariaga (Sevilla) ou o XXXVII Exposición Certame Nacional de Arte Contemporáneo Ciudad de Utrera, Casa de Cultura, entre outros.
Tamén realizou exposicións a título individual como Pueda que esto no le guste a nadie, en Diwap Gallery, (Sevilla), Exit/ Exist no Palmeral, Espazo Iniciarche, (Málaga), Habitar el espacio, Centro de Interpretación ( Guillena, Sevilla) ou Espacios no domésticos, Casa da Cultura Juan Varela, Doña Mencía (Córdoba).
Ginés foi premiado e seleccionado en varios concursos, como Call 2016, XVIII Convocatoria Internacional de Novos Artistas de Luís Adiantado (Valencia), Open Studio Madrid 2018, (Madrid), Segundo premio MálagaCrea 2017 na modalidade de artes visuais, o Terceiro premio no XIII Certame de Creación Joven (modalidade de escultura), Ayuntamiento de Sevilla, ou o II Premio de fotografía Ciudad de Badajoz. A súa obra está presente en varias coleccións como na do CAC Málaga, a Fundación Valentín de Madariaga, (Sevilla), Centro de Iniciativas Culturales de la Universidad de Sevilla, ( CICUS), Ayuntamiento de Utrera, (Sevilla), Ayuntamiento de Badajoz e o Ayuntamiento de Sevilla.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
