jueves, 18 de abril de 2024
Os tres temas principais que figuran na orde do día do Consello serán a proposta dun novo regulamento comunitario no que se fixarán normas de emisións de CO2 para vehículos lixeiros (turismos e furgonetas), as conclusións sobre a posición da UE na Conferencia das Partes de Cambio Climático (COP 24) que se celebrará en Katowice (Polonia) en decembro e a postura dos Estados membros en relación ao convenio para frear a perda de diversidade biolóxica.
Cómpre lembrar que o pasado mes de xuño Galicia relevou oficialmente ao País Vasco como representante das comunidades ante o Consello de Ministros de Medio Ambiente da UE e nos grupos de traballo desta institución durante o segundo semestre deste ano, un período no que está previsto que os ministros se reúnan en dúas ocasións: o 9 de outubro e o 20 de decembro.
Durante os últimos tres meses, Galicia liderou as reunións e grupos de traballo nos que todas as comunidades pactaron a súa postura respecto dos asuntos a debater no próximo Consello de Ministros de Medio Ambiente. Esa posición común e consensuada será a que defenda o martes en Luxemburgo a conselleira Ángeles Vázquez, que formará parte da delegación española encabezada pola ministra de Transición Ecolóxica, Teresa Ribera.
O director xeral de Relacións Exteriores e coa UE, Jesús Gamallo, participou na sesión plenaria do Comité Europeo das Rexións (CdR), onde Galicia presentou 21 emendas a catro dos ditames sometidos a aprobación. Un dos máis relevantes para a comunidade foi o ditame sobre a ferramenta de facilitación transfronteiriza. Calcúlase que a eliminación do 20% das barreiras e obstáculos xurídicos e administrativos actuais entre rexións de fronteira na UE -entre as que se atopa Galicia, que conforma unha Eurorrexión xunto co Norte de Portugal- permitiría aumentar o seu PIB nun 2% e crear nelas ata un millón de empregos.
InnovArt 24, o maior evento en Galicia de promoción e difusión das ensinanzas artísticas, de idiomas e deportivas propicia o encontro entre as vocacións e os profesionais, e facilita que o alumnado de diferentes niveis educativos se familiaricen e tomen contacto cos eidos da arte dramática, as artes plásticas e deseño, a conservación e restauración de bens culturais, a danza, as ensinanzas deportivas, os idiomas e a música. A feira conta cunha zona de 4.100 m² no Museo Centro Gaiás, na que os visitantes poden participar en obradoiros de artes plásticas e deseño, traballos de conservación e restauración de bens culturais, actividades deportivas didácticas de música, arte dramática e danza, así como de idiomas. Tamén se ofrecen mostras e exhibicións das distintas ensinanzas, concertos, conferencias e espectáculos escénicos en directo.
