jueves, 25 de abril de 2024
A Dirección Xeral de Calidade Ambiental e Cambio Climático e o Instituto de Estudos do Territorio colaboran nesta nova acción -que se pode consultar na plataforma de contratación da Xunta de Galicia- dentro dos estudos do Goberno galego para coñecer a adaptación da costa de Galicia ao cambio climático e que forma parte das accións da implantación da Estratexia Galega de Cambio Climático e Enerxía 2050.
Os traballos, que se prolongarán ata maio de 2019, permitirán obter datos completos, continuados, actualizados e a unha escala axeitada para avaliar os riscos que implica o cambio climático nas zonas costeiras de Galicia. Tendo en conta que a acción do mar e dos axentes atmosféricos estase a manifestar de xeito máis intenso nos últimos anos, a modelización territorial da costa axudará a situar os posibles novos puntos de derrube sobre taludes costeiros, a realizar estudos de zonas inundables, a identificar as actividades humanas potencialmente afectadas ou a localizar os espazos naturais susceptibles de sufrir alteracións debidas ao cambio climático.
Dende a Consellería de Medio Ambiente indícase que para poder determinar ditos riscos é necesario identificar as zonas potencialmente afectadas e valorar as ameazas e vulnerabilidades das mesmas, así como localizar os elementos situados dentro destes ámbitos que poidan supoñer un risco para as persoas, os medios de vida, os servizos ambientais e os bens económicos, sociais ou culturais.
Os traballos consistirán na elaboración dun modelo dixital en tres dimensións de alta resolución de toda a zona costeira de Galicia; para o que será necesario empregar datos LIDAR (láser aerotransportado) de alta resolución espacial (3 ptos/m2) que proporcionarán un conxunto de a lo menos 9.000 millóns de puntos de coordenadas xeográficas cunha gran precisión. A partir desta información, obteranse os Modelos Dixitais do Terreo e de Superficie (este último inclúe a altura dos edificios e a vexetación), cun nivel de detalle nunca antes acadado en Galicia para unha superficie tan extensa. Así, a costa de Galicia converterase nunha das poucas zonas de España cartografadas con este elevado grado de precisión.
Asemade, obterase información actualizada e cunha elevada resolución espacial (non dispoñible actualmente) sobre a cobertura e uso do solo na totalidade da superficie dos concellos costeiros. Os traballos determinarán as coberturas do solo para a realidade territorial galega, delimitando de xeito preciso coberturas como viñedos, árbores de frondosas, prados, terreos, humidais ou edificacións entre outras moitas. O aspecto máis destacado desta nova información será o grande incremento do seu detalle espacial, xa que se pasará de dispoñer de información sobre a ocupación do solo a escala 1/25.000 a unha escala 1/5.000, que na práctica significa discriminar as coberturas do solo a nivel de parcela.
Ademais do incremento no grado de exactitude xeográfica deste inventario, aumentará tamén a riqueza dos datos recopilados, xa que se obterá un maior número de atributos para cada cobertura do solo, especialmente para as coberturas forestais e agrícolas, xa que estas son as máis diversas e as que ocupan unha maior extensión territorial.
Os traballos tamén consistirán na definición das unidades ambientais do ámbito máis próximo á costa, incrementando a información xa dispoñible para a rede de espazos naturais a un ámbito duns 33,97 km2 adicionais, e prestando especial atención aos hábitats de tipo mariño, costeiro e de transición ao medio continental. Grazas a este labor, actualizarase a cartografía dos concellos costeiros para a avaliación de potenciais danos en elementos como edificacións, estradas e camiños. Esta tarefa realizarase na totalidade da superficie dos concellos litorais, pero presentará un especial grado de detalle no ámbito máis próximo á liña de costa, por ser este o máis afectado pola posible subida das augas e pola necesidade de localizar infraestruturas e edificacións críticas que se puideran ver afectadas.
Este contrato está financiado polo Plan de Impulso ao Medio Ambiente para a Adaptación ao Cambio Climático en España (PIMA Adapta), unha iniciativa que ten como obxectivo poñer en marcha proxectos concretos de adaptación ao cambio climático e que está enmarcado dentro do Plan Nacional de Adaptación ao Cambio Climático (PNACC).
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
