viernes, 19 de abril de 2024
En canto ás afiliacións subiron nun 2,15%, o que supón 21.497 afiliados máis á Seguridade Social, superando por terceiro mes consecutivo a barreira do millón de afiliacións e sendo maior o incremento nestas que a redución de parados.
Con respecto á contratación, apuntou que a indefinida subiu un 58,23% (case 25 puntos máis que no resto de España) superando en máis de 57 puntos o ritmo de subida da temporal, mentres que tamén se incrementan as contratacións a tempo completo un 6,49%. Neste sentido, a secretaria xeral de Emprego asegurou que estes datos confirman que Galicia consolida o proceso de estabilización do emprego.
O paro baixou tamén nas principais variables: nas catro provincias e sete grandes cidades; en todos os sectores de actividade; nos menores de 30 anos (-10,46%); nas mulleres (-7,16%); e nos parados de longa duración (-9,02%). Sobre estes últimos, Toca subliñou que case a metade das persoas que saíron do paro nos últimos 12 meses pertencían a este colectivo. Con respecto ás provincias, lidera a caída a de Lugo (-11,56%); seguida de Pontevedra (-9,63%); A Coruña (-8,50%); e Ourense (-8,26%). Por sectores de actividade, o maior descenso ten lugar na construción (-20,62%); seguido da industria (-10,42%); e da agricultura e pesca (-9,04%).
Con respecto á evolución mensual, o desemprego sobe en Galicia, como no conxunto de todas as comunidades autónomas, pero esta suba do 0,62% é menor que na media de España onde se rexistra un incremento do 1,50% e sitúa a Galicia como a cuarta rexión na que menos sobe. Aínda así, é a menor cifra de desempregados nun mes de agosto desde hai dez anos.
Compromiso coa formación
Tras avaliar os datos, a secretaria xeral de Emprego sinalou que as políticas activas de emprego que a Administración autonómica executa, a través da Axenda 20, están mellorando o mercado laboral de Galicia. Segundo explicou, o grado de cumprimento destas políticas está permitindo que Galicia poida contar cada vez con máis recursos para poñer en marcha máis programas para incrementar as oportunidades laborais dos galegos.
Así lembrou a nova convocatoria de obradoiros duais de emprego, que permiten combinar formación e aprendizaxe, cun contrato laboral nunha empresa da zona vinculada á mesma actividade que o obradoiro, unha oportunidade para dar un impulso á inserción laboral dos veciños dos concellos nos que se desenvolve esta actividade.
Estes obradoiros unidos aos destinados a menores de 30 anos, suman unha oferta, para o período 2018-2019, de 105 iniciativas das que poderán beneficiarse preto de 2000 persoas grazas a un investimento de 26 millóns de euros.
Toca incidiu na importancia da cualificación como clave para mellorar o acceso ao mercado laboral e a necesidade de que esta formación dea resposta ás demandas reais tanto das empresas como dos concellos nos que se desenvolvan as accións.
O director xeral de Relacións Exteriores e coa UE, Jesús Gamallo, participou na sesión plenaria do Comité Europeo das Rexións (CdR), onde Galicia presentou 21 emendas a catro dos ditames sometidos a aprobación. Un dos máis relevantes para a comunidade foi o ditame sobre a ferramenta de facilitación transfronteiriza. Calcúlase que a eliminación do 20% das barreiras e obstáculos xurídicos e administrativos actuais entre rexións de fronteira na UE -entre as que se atopa Galicia, que conforma unha Eurorrexión xunto co Norte de Portugal- permitiría aumentar o seu PIB nun 2% e crear nelas ata un millón de empregos.
InnovArt 24, o maior evento en Galicia de promoción e difusión das ensinanzas artísticas, de idiomas e deportivas propicia o encontro entre as vocacións e os profesionais, e facilita que o alumnado de diferentes niveis educativos se familiaricen e tomen contacto cos eidos da arte dramática, as artes plásticas e deseño, a conservación e restauración de bens culturais, a danza, as ensinanzas deportivas, os idiomas e a música. A feira conta cunha zona de 4.100 m² no Museo Centro Gaiás, na que os visitantes poden participar en obradoiros de artes plásticas e deseño, traballos de conservación e restauración de bens culturais, actividades deportivas didácticas de música, arte dramática e danza, así como de idiomas. Tamén se ofrecen mostras e exhibicións das distintas ensinanzas, concertos, conferencias e espectáculos escénicos en directo.
