miércoles, 24 de abril de 2024
Recomenda polo tanto mercar os produtos nos establecementos que conten cos pertinentes controis sanitarios e que procedan de industrias autorizadas e rexistradas. No caso de estar envasados, deben contar coa correspondente etiquetaxe e a data de caducidade debe atoparse dentro dos límites establecidos.
A Administración sanitaria galega subliña que as temperaturas máis altas do verán poden favorecer o deterioro máis rápido das comidas. Por iso recomenda cociñar tan preto da hora de comer como sexa posible, consumindo os alimentos preparados de xeito inmediato. No caso contrario, o recomendable é gardar os alimentos cociñados na neveira, por debaixo dos 5ºC. Non deben deixarse a temperatura ambiente, xa que algunhas bacterias multiplícanse moi rapidamente nestas circunstancias. Tamén é importante refrixerar toda a materia prima perecedoira que non se consuma de xeito inmediato, así como controlar regularmente a temperatura do frigorífico ou do conxelador.
A separación de alimentos é outra das normas básica á hora de cociñar de maneira segura, de cara a previr infeccións e intoxicacións. Os alimentos crus poden conter bacterias que contaminen outros alimentos. Precisamente por iso é importante gardar en recipientes separados, protexidos hermeticamente, os crus dos cociñados, de modo que nunca entren en contacto.
A importancia da limpeza
A hixiene frecuente das mans cando se está a manipular alimentos é sempre importante, pero especialmente nos meses de calor, dado que as condicións térmicas provocan o maior estrago dos mesmos. De aí que a Dirección Xeral de Saúde Pública recomende lavar ben as mans con auga e xabón, tanto ao empezar o traballo como no cambio de actividade e tantas veces como sexa necesario.
Tamén hai que manter escrupulosamente limpas todas as superficies sobre as que se van preparar os alimentos, sobre todo se se trata de alimentos crus (carne, peixe, ovos...), así como os utensilios de cociña (hai que utilizar utensilios diferentes para manipular os alimentos crus e os cociñados, ou limpalos moi ben entre un uso e outro).
Finalmente, e para asegurar un verán saudable, a Consellería de Sanidade recomenda utilizar sempre auga potable; lavar ben a froita e a verdura (sobre todo se se comen crúas); manter os alimentos protexidos dos insectos e doutros animais; non conxelar produtos que previamente foron desconxelados e seleccionar alimentos saudables e frescos.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
