jueves, 18 de abril de 2024
Precisamente, diante da súa teima e dado que ten importantes problemas de saúde, os seus amigos máis directos ergueron no alto da parroquia de Santa Mariña un monumento, creado polo artista Valdi (Xosé Val Dìaz), que honra aos Irmáns, e tamén a Alfonso Blanco Torrado.
Dentro dos actos a celebrar este domingo está o "Primeiro Memorial Irmáns da Lexía ás 11:00 cun partido alevín e xuvenil no campo de Guitiriz. E ás 12:00, xogarase o I Trofeo Bebel en honor a Bebel García xogador do Deportivo nos anos da República.
Ás 14 horas realizarase unha ofrenda froral no monumento de Santa Mariña de Lagostelle. A continuación haberá un xantar de irmandade. Os actos rematarán ás 17 horas con diversas actuacións musicais.
A homenaxe está organizada pola Irmandade Manuel María, e Xermolos, xunto con Riazor Blues coa adhesión de numerosos colectivos, entre eles a Asociación de Recuperación da Memoria Histórica.
A Secretaría de Estado de Turismo vén de emitir a resolución pola que se concede a declaración de Interese Turístico Nacional á Festa da Filloa de Lestedo, en Boqueixón. Con este recoñecemento, Galicia suma xa 10 festividades con este recoñecemento. A Festa da Filloa de Lestedo súmase así ás outras nove que xa contan con este recoñecemento: a Romaría de Nosa Señora da Barca (Muxía), as Carrilanas de Esteiro (Muros), as festas do San Froilán (Lugo), a Feira do Bonito (Burela), a Festa da Historia (Ribadavia), o Entroido de Verín. Tamén a Festa do Marisco do Grove, as Festas de San Roque (Vilagarcía de Arousa) e a Festa da Reconquista (Vigo).
Baixo o título 'Horizontes dos Estudos Galegos e /na Lusofonía', esta nova edición do congreso da AIEG parte do tradicional vínculo entre Galicia e os países lusófonos para promover o debate, a crítica e novas propostas sobre as relacións no espazo cultural, académico e institucional. Farao a través de relatorios, paneis, mesas e sesións plenarias nas que participarán especialistas das tres universidades galegas, pero tamén do ámbito nacional e internacional, que discutirán sobre os campos lingüístico, literario, histórico, económico, antropolóxico, filosófico, sociolóxico e artístico. No marco do congreso tamén terán cabida as actividades culturais, como excursións ou exposicións, especialmente dirixidas á mocidade investigadora; ou a presentación de produtos académicos e proxectos, como o Proxecto Nós, impulsado polo Goberno galego para incorporar a lingua propia de Galicia á vangarda da Intelixencia Artificial.
