jueves, 25 de abril de 2024
Ambos estiveron acompañados do autor da intervención artística, Martín Toimil, e do xerente de Viaqua en Santiago de Compostela entidade patrocinadora da iniciativa, Jose Antonio del Rey. O obxectivo foi o de completar a mensaxe da propia intervención, pór en valor a fraxilidade e riqueza dos nosos bosques, permitindo que estas árbores poidan gozar dunha nova vida no Parque do Lago do complexo do Gaiás.
A través da intervención artística Betula Pendula, Martín Toimil (Lalín, 1979) fixo uso do carácter dual das Torres Hedjuk unha de vidro/transparente e outra de pedra/opaca para amosar a dobre faciana da realidade dos bosques galegos: por unha banda, enxalzar a súa enorme beleza e por outra, advertir da súa fraxilidade, especialmente, por ser obxecto reiterado da lacra do lume.
Para reflectir esta confrontación, o arquitecto paisaxista e enxeñeiro agrónomo instalou bidueiros vivos, coa propia raíz, na torre de cristal; e, pola contra, na de pedra pendurou os queimados pola última vaga de lumes que sufriu Galicia. Para manter vivos os bidueiros na torre de cristal, estiveron suspendidos con amarres desde a propia cepeira, e cun sistema de rego instalado. En ambas instalacións as árbores permaneceron colgadas do revés, emulando o perfil do alzado das Torres, xa que o oco entre os dous edificios é idéntico á silueta dunha árbore invertida.
Esta nova actuación vén reforzar o atractivo do Parque do Lago, un espazo de 51.163 metros cadrados dedicados ao goce da natureza, cun corazón acuático de 4.783 metros cadrados. Conta, ademais, cunha carballeira convertida en espazo de lecer con mesas, bancos e elementos deportivos propios dun circuíto de running, así como cunha rede de camiños que permiten percorrelo a pé. Neste momento, tanto neste espazo como no Bosque de Galicia pode gozarse da exposición Reb/veladas na Paisaxe.
Proxecto de rexeneración paisaxística
Situado na ladeira do Gaiás, o Parque do Lago é un proxecto de rexeneración paisaxística dirixido pola arquitecta Isabel Aguirre, directora da Escola Galega da Paisaxe da Fundación Juana de Vega, que está ademais alumeado cun sistema de iluminación con cintas led de baixo consumo.
Ao seu carón, o Bosque de Galicia conta con 34 hectáreas e 12.000 árbores entre as que se atopan carballos, bidueiros, espiños, cerdeiras, érbedos, castiñeiros, faias, capudres e outras especies propias da nosa Comunidade. Así mesmo, o Plan de humanización do Gaiás incluíu a creación de outros tres espazos máis: o Xardín Literario, o Parque da Balea e o Xardín do Teatro.
Deste xeito a plantación de hoxe reforza a relación das zonas verdes do Gaiás co espazo arquitectónico e as intervencións artísticas que acolle a Cidade da Cultura. Non en balde, os espazos verdes son un equipamento fundamental do complexo cultural, ofrecendo unha alternativa de lecer ao aire libre á cidadanía, ao tempo que acollen parte da programación, con actividades como as acampadas de Unha noite no Bosque, a carreira Holi Gaiás, numerosas andainas comentadas, roteiros interpretativos ou obradoiros de natureza para a cativada.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
