jueves, 25 de abril de 2024
Tal e como remarcou o conselleiro, dende a posta en marcha do Plan, no ano 2016, o número de interconsultas realizadas polos médicos responsables dos pacientes á Central de Atención ao Ictus foi de 1.426, o que supón unha media de 59 interconsultas por mes. Os hospitais que máis recorren á central son os comarcais, o que é unha mostra da eficacia desta central, xa que as persoas que máis se benefician son os pacientes que viven nás áreas máis afastadas, garantindo o acceso desta poboación ao mellor recurso asistencial posible (neurólogo experto en ictus).
En relación aos traslados dende os centros hospitalarios ás unidades de ictus, realizáronse un total de 178. Respecto do número total de código ictus activado nestes dous anos foi de 5.235, sendo as fibrinolise intravenosas realizadas un total de 735 e 260 trombectomías mecánicas.
Na súa intervención, o conselleiro destacou que, para cumprir co obxectivo de realizar un tratamento adecuado, foron creadas tres unidades de ictus, emprazadas nos complexos hospitalarios universitarios de Santiago, A Coruña e Vigo, entendidas como unidades específicas de coidados agudos. Ademais, o Sergas tamén puxo en marcha seis equipos de ictus nos hospitais de Ferrol, Lugo, Ourense, Pontevedra, Burela e Povisa (Vigo), consistentes nun grupo interdisciplinar de especialistas coordinado por un neurólogo ou outro especialista experto en ictus, que colaboran no diagnóstico e tratamento do paciente con ictus, e que contan con protocolos de coidados sistematizados.
Tamén remarcou o conselleiro a formación que se fixo aos profesionais para que nos servizos de urxencias de todos os hospitais, incluidos os comarcais, teñan a capacidade para realizar a fibrinolise intravenosa no caso de identificar un episodio de ictus isquémico.
Todo o anteriormente sinalado, -dixo Almuiña-, complétase coa Central de Atención ao Ictus, que é a unidade de coordinación e na que un equipo de neurólogos expertos en manexo e diagnóstico do ictus, dispoñibles as 24 horas do día os 365 días do ano, ofrecen soporte ao diagnóstico e tratamento ao médico responsable do paciente, calquera que sexa o hospital da rede sanitaria onde se encontre.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
