viernes, 19 de abril de 2024
Nota de prensa del Gabinete de Comunicación de En Marea:
O grupo parlamentario de En Marea ven de rexistrar diversas iniciativas no Parlamento de Galicia entre as que se solicita ao Goberno galego a elaboración dun informe acerca do estado da praia de As Catedrais co obxecto de deseñar protocolos de seguridade acordes aos riscos que se detecten. Tras a morte dunha moza a causa dun traumatismo cranial polo desprendemento dunha pedra duns dos cantís da praia.
Desde o grupo lembran que este areal recibe cada ano a vista de milleiros de persoas a diario chegando aos 600.000 visitantes en 2015. Ao tramitar o permiso de acceso, as persoas visitantes reciben unha información acerca dos riscos que comporta a visita, en relación á suba da marea e aos desprendementos.
O 12 de xuño de 2015 publicábase no DOG o Decreto polo que se aproba o Plan de conservación do monumento natural da Praia das Catedrais. Segundo dito Plan, conforme ao artigo 26, a Dirección Xeral de Conservación avaliará, cunha periodicidade bianual, a efectividade das medidas propostas, analizando a eficacia e eficiencia na execución das diversas accións e programas, e o progreso na consecución dos obxectivos ambientais propostos. Ademais recolle que cada dous anos a Dirección Xeral de Conservación da Natureza elaborará un informe de seguimento. Unha copia do informe será remitido á Secretaría Xeral de Calidade e Avaliación Ambiental.
Para protexer o monumento natural o Concello de Ribadeo elaborou un Plan Especial de Protección, aprobado inicialmente o 8 de novembro de 2017, que abarca máis territorio que o protexido polo Plan elaborado pola Xunta. En dito documento, sinálase que a xestión da Praia das Catedrais quedou superada polo progresivo aumento de visitantes que, en determinadas épocas do ano, superan amplamente a súa capacidade de carga ecolóxica. A ausencia dunha xestión adecuada desta situación afectou negativamente o estado de conservación dos compoñentes do patrimonio natural e da biodiversidade.
O descontrol no uso público provocou que en determinados períodos as persoas deambulasen sen control por áreas do acantilado inestables, con risco para a súa integridade física, así como para as persoas que puidesen atoparse na praia. As advertencias sobre o exceso de visitantes veñen sucedéndose desde hai tempo por parte de distintos expertos que alertaron xa de posibles desprendementos. A Xunta, logo do suceso, clausurou o acceso á praia das Catedrais, pero a páxina oficial para descargar a autorización de visita á praia permite solicitar e conseguir autorización no domingo, 1 de abril.
O grupo parlamentario rexistrou diversas preguntas para que a Xunta de Galicia explique que medidas impulsou e vai impulsar para investigar este suceso, se vai tomar algunha medida para evitar situacións similares, se non consideran que nun lugar de risco, con tanta afluencia de visitantes a diario, debe haber dotación médica móbil, así como que medidas teñen tomado ante as advertencias de investigadores sobre a exposición a risco de desprendementos da gran cantidade de visitantes á Praia das Catedrais.
En Marea considera preciso que o Goberno galego revise os límites de acceso de persoas á praia das Catedrais e ter en conta a situación meteorolóxica para establecer limitacións diarias. Así mesmo, consideran necesario impulsar un informe exhaustivo acerca da evolución xeolóxica dos cantís da Praia das Catedrais.
O director xeral de Relacións Exteriores e coa UE, Jesús Gamallo, participou na sesión plenaria do Comité Europeo das Rexións (CdR), onde Galicia presentou 21 emendas a catro dos ditames sometidos a aprobación. Un dos máis relevantes para a comunidade foi o ditame sobre a ferramenta de facilitación transfronteiriza. Calcúlase que a eliminación do 20% das barreiras e obstáculos xurídicos e administrativos actuais entre rexións de fronteira na UE -entre as que se atopa Galicia, que conforma unha Eurorrexión xunto co Norte de Portugal- permitiría aumentar o seu PIB nun 2% e crear nelas ata un millón de empregos.
InnovArt 24, o maior evento en Galicia de promoción e difusión das ensinanzas artísticas, de idiomas e deportivas propicia o encontro entre as vocacións e os profesionais, e facilita que o alumnado de diferentes niveis educativos se familiaricen e tomen contacto cos eidos da arte dramática, as artes plásticas e deseño, a conservación e restauración de bens culturais, a danza, as ensinanzas deportivas, os idiomas e a música. A feira conta cunha zona de 4.100 m² no Museo Centro Gaiás, na que os visitantes poden participar en obradoiros de artes plásticas e deseño, traballos de conservación e restauración de bens culturais, actividades deportivas didácticas de música, arte dramática e danza, así como de idiomas. Tamén se ofrecen mostras e exhibicións das distintas ensinanzas, concertos, conferencias e espectáculos escénicos en directo.
