jueves, 18 de abril de 2024
Nota de prensa del Gabinete de Comunicación del PSdeG:
O portavoz do Grupo Socialista, Xoaquín Fernández Leiceaga, esixiulle ao presidente da Xunta que pase das musas ao teatro, das promesas aos feitos en materia de Igualdade. O responsable socialista anunciou unha ofensiva parlamentaria para someter o aparente cambio de actitude do PP á proba dos feitos.
Así o dixo polo xiro do PP logo da escalada de agravios previa á mobilización do 8-M con Rajoy apelando a non meterse na fenda salarial, Tellado cualificando a mobilización das mulleres de machista e que culminou na sesión de control a Feijóo no Parlamento, espetándolle á oposición que está onde está por non respectar ás mulleres. Criticou a estratexia de Feijóo, que en lugar de discutir propostas, optou por buscar a confrontación.
Fernández Leiceaga apuntou que o presidente da Xunta ten o DOG da súa man para demostrar se o paso da displicencia e a contestación a presentarse moito máis comprensivo é en realidade mera retórica ou un cambio real.
Lembrou así as propostas socialistas para establecer permisos de paternidade e maternidade iguais e non transferibles, un programa de incentivos específicos para o retorno ao emprego despois da maternidade ou revisar a presenza da muller nos postos directivos das empresas públicas. Lamentou que Feijóo no dera conta destas propostas e que no debate parlamentario posterior foran rexeitadas polo PP.
Os socialistas galegos, explicou, incluirán na axenda política a cascada de reivindicacións ben fundadas que están a poñer contra as cordas as políticas do PP en España e Galicia. Apelou así á mobilización das mulleres do pasado xoves, pero tamén ás protestas dos pensionistas que claman contra a súa perda de poder adquisitivo, do persoal da Xustiza reclamando o fin da discriminación co resto do Estado, ou do persoal sanitario.
Apuntou que no próximo Pleno do Parlamento será incluído o debate final da reforma da Lei de Saúde, con propostas razoables por parte dos socialistas das que o PP vai dicir que non. Estarán negándose, dixo, a establecer un catálogo de prestacións sanitarias para garantir que a perda de autonomía dos hospitais non supoña a perda de prestacións.
Fernández Leiceaga anunciou que os socialistas galegos farán bandeira así da igualdade, da recuperación de servizos sociais, de políticas de inclusión ou do combate contra as desigualdades, que ven como quedan á marxe da recuperación económica que o PP ven pregoando dende hai 4 anos.
O director xeral de Relacións Exteriores e coa UE, Jesús Gamallo, participou na sesión plenaria do Comité Europeo das Rexións (CdR), onde Galicia presentou 21 emendas a catro dos ditames sometidos a aprobación. Un dos máis relevantes para a comunidade foi o ditame sobre a ferramenta de facilitación transfronteiriza. Calcúlase que a eliminación do 20% das barreiras e obstáculos xurídicos e administrativos actuais entre rexións de fronteira na UE -entre as que se atopa Galicia, que conforma unha Eurorrexión xunto co Norte de Portugal- permitiría aumentar o seu PIB nun 2% e crear nelas ata un millón de empregos.
InnovArt 24, o maior evento en Galicia de promoción e difusión das ensinanzas artísticas, de idiomas e deportivas propicia o encontro entre as vocacións e os profesionais, e facilita que o alumnado de diferentes niveis educativos se familiaricen e tomen contacto cos eidos da arte dramática, as artes plásticas e deseño, a conservación e restauración de bens culturais, a danza, as ensinanzas deportivas, os idiomas e a música. A feira conta cunha zona de 4.100 m² no Museo Centro Gaiás, na que os visitantes poden participar en obradoiros de artes plásticas e deseño, traballos de conservación e restauración de bens culturais, actividades deportivas didácticas de música, arte dramática e danza, así como de idiomas. Tamén se ofrecen mostras e exhibicións das distintas ensinanzas, concertos, conferencias e espectáculos escénicos en directo.
