jueves, 25 de abril de 2024
Nota de prensa del Gabinete de Comunicación de En Marea:
Desde que chegou á presidencia, a súa única ambición foi a súa propia promoción persoal na sucesión de Rajoy, e sacrificou todo o benestar dos galegos para conseguilo, comezou Luís Villares a súa pregunta ao presidente da Xunta, centrada na grave situación pola que atravesan os servizos públicos en Galicia. Cantos anos máis nos vai custar, cantos sacrificios máis temos que facer para pagarlle a vostede a carreira en Madrid?.
Para o voceiro de En Marea, os galegos e galegas vivimos peor, botamos máis tempo enfermos, pagamos as peaxes máis caras do Estado, perdemos todos os trens, renunciamos a un financiamento xusto e temos menos xustiza para pagarlle a Feijóo a súa carreira política en Madrid e pregúntase se merece a pena que todo un país se sacrifique por unha soa persoa, cando ademais, vostede suspende sempre en Madrid porque non o queren.
Cantas listas de espera nos vai custar a súa ambición? Cantos colapsos de urxencias? Cantas áreas sanitarias nos van costar as súas xiras madrileñas?, preguntou reiteradamente, antes de lembrarlle que só hoxe van ser suspendidos 500 xuízos en Galicia pola folga de Xustiza, sufrimento ás vítimas deses xuízos ocasionados pola súa ambición madrileña.
Señor Núñez, créame que o entendo, debe ser humillante ter todo ese capital aforrado co sacrificio dos galegos e que non lle fagan caso, chanceou Villares, facer sufrir aos seus propios votantes para nada, sacrificar o benestar da xente, o tren, a sanidade, a xustiza, o financiamento, as peaxes, para que ninguén lle faga caso.
Na quenda de réplica, o voceiro de En Marea sinalou que outras comunidades autónomas foron insumisas a Madrid e non recortaron, plantáronse para defender á súa poboación e agora Madrid vainos premiar cunha condonación da débeda. Se vostede fose valente e insumiso hoxe teríamos tren, un bo financiamento, e non teríamos estas peaxes nin estas listas de espera, engadiu Villares.
Luís Villares tamén aproveitou a súa segunda intervención para defender as reivindicacións do persoal de Xustiza que, trala ruptura das negociacións, comezan hoxe unha folga indefinida para mellorar as súas condicións laborais.
A Cidade da Cultura reunirá estes días as persoas representantes dunha vintena de linguas minoritarias de Europa. Será durante a asemblea xeral e a conferencia anual da Network to Promote Linguistic Diversity (NPLD), unha organización de ámbito europeo cuxa finalidade é promover a diversidade lingüística na UE. Entre os seus membros figura, desde a súa creación, a Xunta de Galicia, que, a través da Consellería de Cultura actúa como anfitrioa nos eventos de 2024. Na xornada trataranse os asuntos que atinxen á administración da organización e presentaranse varios informes.
A Xunta vai solicitar de xeito inmediato ao Goberno central o traspaso dos medios materiais e persoais para xestionar a súa costa trala sentenza do Tribunal Constitucional que avala a Lei de ordenación e xestión integrada do litoral de Galicia. A conselleira de Medio Ambiente e Cambio Climático, Ángeles Vázquez, respondeu unha pregunta no pleno do Parlamento sobre esta materia na que salientou que o Alto Tribunal certifica que a norma galega é plenamente constitucional. Ademais, subliñou, confirma o que sempre defendeu a comunidade, que non é necesario reformar o Estatuto de Autonomía para que Galicia poida exercer plenamente as súas lexítimas competencias sobre o litoral.
