jueves, 25 de abril de 2024
Nota de prensa del Gabinete de Comunicación de En Marea:
A incapacidade política de Feijóo rematará por situar a Galiza no furgón de cola do financiamento autonómico. A irrelevancia do noso financiamento vai ser directamente proporcional á irrelevancia política de Feijóo denunciou Antón Sánchez.
Desde 2009, a Galiza aplicóuselle sen piedade o receitario ´austeritario neoliberal` e Galicia, xunto coa Comunidade de Madrid, é unha das comunidades autónomas que sufriu máis recortes en servizos públicos e, malia a brutal caída do gasto autonómico, a débeda pública seguiu aumentando (de 4.859 millóns en 2009 medrou ata os 11.137 millóns no terceiro trimestre de 2017).
Para o vicevoceiro parlamentario de En Marea, Feijóo decidiu endebedarse cos bancos en vez de recorrer ao financiamento público para non dar a imaxe dunha Galiza financeiramente intervida polo Estado, o que significou aceptar un sobrecuste dos prestamos bancarios para o pago da débeda de varios centos de millóns.
Este sobrecuste traduciuse nunha retallada dos orzamentos públicos en servizos fundamentais para a cidadanía galega. Feijóo decidiu impoñer maiores sacrificios aos galegos e galegas para sacar peito como o campión da austeridade, a factura do seu postureo electoral pagámola cunha mingua de servizos públicos e de benestar afirmou Sánchez.
Pola soberbia do goberno do PPdeG, Galiza só comezou a beneficiarse dos fondos tardiamente, concretamente, en 2015 solicitáronse 1.567 millóns de euros do fondo de Facilidade Financeira, de tal forma que, dos 131.073 millóns de euros postos a disposición das CCAA nese período, a Xunta de Galicia só solicitou 1.567 millóns de euros, cifra que apenas chega ao 1.2 por cento. Como consecuencia, Galicia é das comunidades autónomas que menos se beneficia dos aforros xerados por estes fondos: Galicia, no período 2012-2016, representou o 0,19 por cento dos aforros totais xerados. A gloriosa xestión de Feijóo para enfrontar a débeda pública supuxo pagar préstamos máis caros ao bancos declarou Sánchez.
A situación financeira de Galiza leva camiño de agravarse aínda máis agora que o ministro Montoro apunta unha mais que probable quita na débeda que as comunidades autónomas contraeron coa administración do Estado a través dos diferentes mecanismos extraordinarios de financiamento. Galicia, sendo unha das que mais recortes fixo e que mais oposición amosou a participar nestes mecanismos de financiamento, vai contarse entre as comunidades autónomas máis prexudicadas pola reestruturación da débeda.
A pegada negativa que tivo a xestión austeritaria de Feijóo sobre a débeda e sobre a solidez financeira de Galiza verase acrecentada de ter continuidade o conformismo da Xunta na mesa de negociación do novo modelo de financiamento autonómico asegurou.
Para o vicevoceiro de En Marea no Parlamento Feijóo inviste en mansa submisión para que os xerarcas do PP na capital lle pasen a man polo lombo e coa idea de mellorar a súa carreira no partido sacrifica toda aspiración de Galiza a un financiamento xusto.A servicial disposición de Feijóo faille renunciar a unha maior soberanía fiscal como garantía de desenvolvemento económico e duns servizos públicos financeiramente reforzados e o presidente da Xunta aplaude como válido o actual modelo de financiamento autonómico e tan só solicita uns tímidos cambios no cálculo da poboación axustada engadiu.
Mentres o Goberno do PP deseña un novo modelo financeiro e político recentralizador, moito máis regresivo, para enfrontar as demandas das comunidades autónomas que teñen unha actitude máis decidida e reivindicativa, Feijóo cruza os dedos para que, tras a reforma, Galiza quede como está. O vicevoceiro de En Marea no Parlamento concluíu afirmando que Feijóo non ten maior ansia que manter o actual status de insuficiencia financeira de Galiza e disimular a súa absoluta falla de peso e relevancia política orquestrando unha fronte de gobernos mansos con Castela e León e Asturias.
Fotografía: archivo GD/Xunta de Galicia.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
